စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံနိုင်ကြပါစေ

ရွှပေလွှာတွင် ကြော်ငြာများအခမဲ့ထည့်သွင်းနိုင်ပါသည် ဆက်သွယ်ရန် pitipaygi1@gmail.com

Monday, August 17, 2015

ရေဘေးအတွက် ပလန်လိုနေသော မြန်မာများ





          ကျွန်တော်တို့မြန်မာများသည် အလုပ်တော်တော်များများတွင် ကြိုတင်ကာကွယ်မှု၊ ကြိုတင်ပြင်ဆင်မှု၊ ကြိုတင်စီမံမှု အလွန်နည်းကြသည်။ သဘာဝဘေးအန္တရာယ်များအပါအ၀င် ပညာရေး၊ နိုင်ငံရေး လို ပြည်သူတစ် ရပ်လုံးအင်တိုက်အားတိုက်လုပ်ဆောင်ရမည့်နေရာမျိုးမှာ လုပ်ဆောင်ကြသူတွေများပါလျက် ပလန်တွေလိုနေ သောကြောင့် ထင်သလောက်ခရီမပေါက်ပဲဖြစ်နေကြပါတယ်။
          ယနေ့တွေ့ကြုံနေကြရတဲ့ သဘာဝဘေးအန္တရာယ်သင့်သူများကို ကူညီကြတဲ့နေရာမှာ မြန်မာနိုင်ငံ သားမှန်သမျှ ကိုယ်တတ်နိုင်ရာကို မလှူဖူးတဲ့သူမရှိသလောက်ဖြစ်နေပါပြီ။ တစ်နိုင်ငံလုံးအတိုင်းအတာ နဲ့တွက် ကြည့်ရင် သန်းပေါင်းများစွာပါပဲ၊ သို့သော် လူသားသန်းပေါင်းများစွာရဲ့ လှူဒါန်းမှုဟာ လူသားသိန်းဂဏန်း လောက်ထံ လူတန်းစေ့အောင် မကူညီနိုင်ကြတဲ့အခြေအနေဖြစ်နေပါတယ်။ ရတဲ့နေရာက ပိုလျှံနေအောင်ရပြီး မရတဲ့နေရာက လုံးဝအရှင်းကိုမရဖြစ်နေကြပါတယ်။
          ဒါဟာဘာကြောင့်လဲလို့ တွေးကြည့်လိုက်တဲ့အခါ ကျွန်တော်အပါအ၀င်ယနေ့ကူညီရေးလုပ်နေတဲ့ အဖွဲ့ အစည်းများဟာ လုံလောက်တဲ့ပလန်တွေမရှိကြလို့ပါပဲ။ ပလန်ဆိုတဲ့နေရာမှာ အသင်းအဖွဲ့ တစ်ခုတည်းရဲ့ ပလန်ကို ဆိုလိုခြင်းမျိုးမဟုတ်ပါဘူး။ အဖွဲ့သားအားလုံးလုပ်ဆောင်သင့်တဲ့ ပလန်တွေ ကိုပြောတာပါ။
          ဥပမာ ရေဘေးသင့်တဲ့ကျေးရွာပေါင်းဘယ်လောက်ရှိသလဲ၊ ရေဘေးသင့်ပြည်သူ ဘယ်လောက်ရှိသလဲ ရေဘေးကူညီရေးအဖွဲ့အစည်းတွေဘယ်လောက်ရှိသလဲ၊ အသင်းအဖွဲ့တွေရဲ့ အကြမ်းဖျင်းလူဦးရေဘယ် လောက်ရှိနိုင်လဲ ။ ဘယ်အဖွဲ့တွေက ဘယ်နေရာသွားသင့်ပြီး ဘာတွေလို အပ်သလဲဆိုတဲ့ နည်းစနစ်ကျတဲ့ ပလန် မျိုးကိုပြောတာပါ။ ဒီပလန်တွေက ဖြစ်မှ ရေးဆွဲရမဲ့ပလန်တွေ မဟုတ်ဘဲမဖြစ်ခင်က ရေးဆွဲသင့်တဲ့ ပလန်တွေ ဖြစ်ပါတယ်။
          နေရာတိုင်းအတွက် ပလန်တွေလိုပ်အပ်ပေမဲ့၊ ဒီနေရာမှာတော့ ရေဘေးနဲ့ပတ်သက် တဲ့ဖြစ်သင့်တာ လေးတင်ပြပါရစေ။ ဆရာလုပ်တာမဟုတ်ပါဘူး။ ယနေ့အချိန်ထိ ကူညီသူမဲ့နေတဲ့ကျေး ရွာပေါင်းများစွာအတွက် ၀မ်းနည်းမိလို့တင်ပြတာပါ။

လိုအပ်သည့်အချက်အလက်များ


၁။ ပရဟိတအဖွဲ့များနှင့်အစိုးရပူးပေါင်းနိုင်ရမည်။
 ၂။ ရေးဘေးသင့်ရေးရွာပေါင်းမည်မျှရှိသည်ကို စာရင်းယူရမည်။
၃။ ပရဟိတ အသင်းပေါင်းမည်မျှရှိသည်ကို စာရင်းယူရမည်။
၎။ ရေဘေးသင့်ဒေသအသီးသီးထံမှ သတင်းအချက်အလက်များ အမြဲသိနိုင် ရန် ဒေသတိုင်း တွင် ပြန်ကြားရေး ထားရှိရမည်။
၅။ ကုန်လမ်း၊ ရေလမ်း၊ လေကြောင်းလမ်းများဖြင့် သွားရောက်ရမည့်ခရီးစဉ်အလိုက် သွားလာရေး အဆင်ပြေ အောင် ဖန်တီိးနိုင်ရမည်။
၆။ ပရဟိတအဖွဲ့အစည်းများနှင့် ရေဘေးသင့်ကိုရွာများကို ချိန်ဆ၍ အဖွဲ့အစည်းအသီးသီးအား သွားရောက်ရ မည့်ကျေးရွာများကို စနစ်တကျစီစဉ်ပေးနိုင်ရမည်။
၇။ ကျေးရွာအတွင်းနေထိုင်မဖြစ်အောင်အခြေနေဆိုးသော ရေဘေးသင့်ပြည်သူများအတွက် ဒေသအသီးသီးတွင် ကယ်ဆယ်ရေးစခန်းများ မဖြစ်မနေဆောက်လုပ်၍ ကူညီရေးအင်အားအသင့်ဖြစ်အောင်စီစဉ်ထားရမည်။

          လိုအပ်သောအချက်တွေအများကြီးရှိပေမဲ့ အဓိကကျတဲ့အချက်များကိုပဲတင်ပြရခြင်းဖြစ်ပါတယ်။ ဒီအ ချက် တစ်ချက်ခြင်းဆီကို ပြန်ရှင်းပြပါ့မယ်။

          ၁။ အစိုးရနှင့် ပရဟိတအဖွဲ့များ တစ်နည်းဆိုရသော်ပြည်သူများ ပူးပေါင်းနိုင်ရမယ်ဆိုတဲ့နေရာမှာ တော်တော်ခက်ခဲပါလိမ့်မယ်။ ဘာလို့လဲဆိုတော့ ပြည်သူကအစိုးရကိုယုံကြည်မှ အစိုးရကလည်းပြည်သူကို ယုံကြည်မှပေါင်းလို့ရမှာပါ။ အခုဖြစ်နေတာက ပြည်သူက အစိုးရကို မယုံကြည်ပါဘူး။ ဒီတော့ဒီအချက်က မဖြစ် နိုင်လောက်အောင် ကိုခက်ခဲပါတယ်။ အစိုးရက ပြည်သူယုံကြည်အောင်လုပ်ထားတာမရှိတဲ့အတွက် ပြည်သူက မယုံ ကြည်ကြတာပါ။ ဒါကြောင့်အစိုးရလုပ်သူက ပြည်သူယုံကြည်သူဖြစ်အောင် ကနဦးတည်ဆောက်သင့်တယ်။ အစိုးရကို မယုံကြည်တဲ့အတွက် ပြည်သူက မပေါင်းလို့လည်းမဖြစ်ပြန်ပါဘူး၊ ဘာ့ကြောင့်လဲဆိုရင် အချို့ကိစ္စတွေ က အစိုးရပါကိုပါမှ ရမယ့်အခြေနေမို့ပါ။ ပြည်သူမှာ စေတနာ အသပြာ လူအင်အားသာ ရှိပါတယ်။ လိုအပ်တဲ့ ကြိယာအထောက်အကူပစ္စည်းတွေမရှိကြပါဘူး။ ဒါကြောင့်အစိုးရနဲ့ပြည် သူပေါင်းကိုပေါင်းပါ။
          ၂။ ရေးဘေးသင့်ရေးရွာပေါင်းမည်မျှရှိသည်ကို စာရင်းယူရမည်။ ဒီအချက်ကတော့ ထူးရှင်းစရာမလိုပါ ဘူး။ ကျေးရွာစာရင်းမှ မသိရင် ကူညီရေးအနှံ့ရောက်ဖို့ မလွယ်ပါ ဘူး။ ကျေးရွာစာရင်းအတိအကျသိမှ ဒီရွာ တော့ကူညီရေး ရောက်နေပြီ၊ ဒီရွာကမရောက်သေးဘူး၊ ဆိုပြီး မရောက်သေးတဲ့ရွာကို ဦးစားပေးထပ်လွှတ်နိုင်မှာ ပါဒါမှသာ ကူညီရေးမရဘဲ သူမသိသူမသိ ဘ၀ဆုံးသွားရတဲ့သူတွေကင်းမှာပါ။
          ၃။ ပရဟိတ အသင်းပေါင်းမည်မျှရှိသည်ကို စာရင်းယူရမည်။ ကျေးရွာတွေကို စာရင်းယူသလိုပရဟိတ အသင်းအဖွဲ့တွေဆိုတာကလည်း စာရင်းယူသင့်ပါတယ်။ ဒီအသင်းအဖွဲ့တွေကို ဘယ်အသင်းက ဘယ်ရွာသွား၊ ဘယ်အသင်းက ဘယ်ရွာသွားလို့ညွှန်ပြနိုင်ပြီး၊ ပြန်လာတဲ့အခါ ဘယ်ရွာတွေကျန်နေသေးတဲ့အဲရွာကိုထပ်သွား ပါလို့ ပြောနိုင်မှာပါ။ ခုက ဒီလိုစာရင်းယူထားတာမရှိတော့ တစ်ရွာထဲ ၁၀ ဖွဲ့အဖွဲ့၂၀ လောက် ကူညီခံရတဲ့ရွာ တွေရှိသလို၊ လုံးဝအကူအညီမရတဲ့ ရွာတွေ လည်းရှိနေတာပါ။
  ၄။ ရေဘေးသင့်ဒေသအသီးသီးထံမှ သတင်းအချက်အလက်များအမြဲသိနိုင်ရန် ဒေသတိုင်းတွင် ပြန်ကြားရေး ထားရှိရမည်။ အရာဝတ္ထုတိုင်းမှာ သတင်းအချက်အလက်က အဓိကလိုအပ်ပါတယ်။ ဒါမှသာ အခြေ အနေနဲ့ အချိန်အခါကို သိနိုင်ပြီး အန္တရာယ်ကင်းမှာဖြစ်ပါတယ်။ ကားမောင်းလို့ရသလားမရဘူးလား၊ စက်လှေ မောင်းလို့ရသလား မရဘူးလား၊ လေယာဉ်မောင်းလို့ရသလားမရဘူးလား။ ဒါကိုအမြဲသတင်းပေးဖို့လိုပါတယ်။ ဥတုရာသီ အခြေအနေရ ရေကျော်နေတဲ့လမ်း၊၀ဲရှိတဲ့ ရေကြောင်း၊မိုးလေကျတဲ့လေကြောင်းတွေကို မောင်းမိရင် ဘေးထွက်ဆိုးကြိုးတွေအများကြီးဖြစ်နိုင်ပါတယ်။ ဒါ့အပြင် ဒီဒေသကလူတွေအတွက် ဘာအဓိကလိုအပ်နေ သလဲ ၊ ဆေးလား၊ ဆန်လား၊ ရေလား၊ အသင့်စားစရာလား စသည်ပေါ့။ လူထောင်အိမ်ခေါင်မိုးပေါ်တက်နေရတဲ့ နေရာမျိုးမှာ ဆန်သွားပေးမိတဲ့အဖြစ်မျိုးတွေရှောင်ရှားနိုင်တာပေါ့။ နောက်ဒီရွာက ပရဟိတအဖွဲ့ရောက်ပြီးပါပြီ ဒါပေမယ့် ကူညီရေးထပ်မံလိုအပ်နေပါသေးတယ်၊ ဒီရွာကတော့ မလိုတော့ပါဘူးဆိုတဲ့အချက်မျိုးလည်း သတင်း ပေးပို့ရမယ်။
          ၅။ ကုန်လမ်း၊ ရေလမ်း၊ လေကြောင်းလမ်းများဖြင့် သွားရောက်ရမည့်ခရီးစဉ်အလိုက် သွားလာရေး အဆင်ပြေ အောင် ဖန်တီိးနိုင်ရမည်။ အစောက ကျွန်တော်တင်ပြခဲ့ပါတယ်။ အချို့ကိစ္စတွေမှာ အစိုးရနဲ့ပေါင်းကို ပေါင်းမှရမယ်ဆိုတာပါ။ ဥပမာ တိုင်းဒေသကြီးအတွင်းရှိကျေးရွာစာရင်း အစိုးရဆီမှာပဲရှိပါတယ်။ လတ်တလော အခြေအနေမှာ အစိုးရကလည်းပြည်သူကိုမပေါင်း ပြည်သူက လည်းအစိုးရကိုမပေါင်းတဲ့အတွက် ဘာတွေနစ်နာ နေရလဲဆိုရင် စက်လှေ၊ ကားနဲ့ လုံးဝ သွားလို့မရတဲ့ရွာတွေကို ရဟတ်ယာဉ်မရှိတဲ့ပြည်သူတွေလက်ပိုက်ကြည့်နေ ကြရတယ်။ အစိုးရနဲ့  ပြည်သူသာ တစ်ပေါင်းတည်းရှိနေရင် ဘယ်အဖွဲ့က ဘယ်ကားနဲ့ ကားသွားရတဲ့နေရာကို သွား၊ ဘယ်အဖွဲ့က ဘယ်ရဟိတ်ယာဉ်နဲ့ ရဟတ်ယာဉ်နဲ့သာ သွားလို့ရမယ့်နေရာတွေကိုသွား ၊ ဘယ်နေရာမှ ဘယ်ရွာရှိတယ်။ စသဖြင့် လမ်းညွှန်ခိုင်းစေနိုင်လို့ နစ်နာဆုံးရှုံးရမှု ဒီလောက်ထိမြင့်မားမယ် မထင်ပါဘူး။ အခုက ရဟတ်ယာဉ်နဲ့ သွားမှရမဲ့  ရွာအများစု အားကိုးရာမဲ့နေတယ်။ သေသူတွေဘယ်လောက်များနေပြီလဲ မသိနိုင် အောင်ပါပဲ၊ သူတို့က သတင်းရောက်အောင်ပို့နိုင်တာတောင်မှ ဒီဘက်က ရောက်အောင် မသွားနိုင်တဲ့ အခြေအနေ ပါ။
          ၆။ ပရဟိတအဖွဲ့အစည်းများနှင့် ရေဘေးသင့်ကိုရွာများကို ချိန်ဆ၍ အဖွဲ့အစည်းအသီးသီးအား သွားရောက်ရ မည့်ကျေးရွာများကို စနစ်တကျစီစဉ်ပေးနိုင်ရမည်။ ဒီအချက်ကအစောက တင်ပြတဲ့ထဲမှာပါသွားပါ ပြီ၊ ရေဘေးသင့်ရေးရွာ ၅၀၀၀ ရှိတယ်ဆို၊ ပရဟိတအဖွဲ့က ဘယ်လောက်ရှိလဲ ၊ရှိတဲ့အဖွဲ့အစည်းအရေအတွက် အလိုက် တစ်ဖွဲ့ကို နီးစပ်ရာ ရွာဘယ်လောက်သွားဆိုပြီး ခွဲဝေပေးသင့်တယ်။ ဒါဆိုရင် ရောက်ပြီးသားရွာတွေ ကို နောက်အဖွဲ့တွေမရောက်တော့ဘူး မရောက်သေး တဲ့ရွာကိုပဲသွားရမယ်။ တာဝန်ခွဲပေးလိုက်တော့ ကိုယ်တာဝန် ကျရာကို ကြိုးစားလုပ်ကြမှာပါ။
          ၇။ ကျေးရွာအတွင်းနေထိုင်မဖြစ်အောင် အခြေနေဆိုးသော ရေဘေးသင့်ပြည်သူများအတွက် ဒေသအသီးသီးတွင် ကယ်ဆယ်ရေးစခန်းများ မဖြစ်မနေဆောက်လုပ်၍ ကူညီရေးအင်အား အသင့် ဖြစ်အောင်စီစဉ်ထားရမည်။ ဒီအချက်ကတော့ ရေဘေးသင့်ဒေသတိုင်းနီးပါးမှာ လုပ်နေတဲ့ရှိနေတဲ့ အတိုင်းအ တာတစ်ခုမို့ ထူးတော့ပြောစရာမလိုတော့ပါဘူး။ ဒါပေမဲ့ နေရာတိုင်းမှာတော့ မရှိပါဘူး။ နောက် ကယ်ဆယ်ရေး လုပ်ငန်းအတွက် လိုအပ်တဲ့ စက်ကြိယာပစ္စည်းတွေ အလုံအလောက်မရှိကြပါဘူး။ ကျန်းမာရေး ထိခိုက်သူတွေ အတွက် ကုသနိုင်မယ့်ဆရာဝန်တွေလည်း ကယ်ဆယ်ရေးစခန်းတိုင်းမှာ ရှိသင့်ပေမယ့် ရှိမနေဘူး။
          ခုကျွန်တော်တင်ပြခဲ့တဲ့ ပလန်မျိုးလေးတွေ ရှိနေခဲ့ရင် ရေးဘေးသင့်ပြည်သူတွေ ဒီလောက်ထိ ဒုက္ခရောက်လိမ့်မယ်လို့ ကျွန်တော်မထင်မိပါဘူး။ နှောင်တစ်ချိန်အတွက်များ သင်္ခန်းစာ အဖြစ် ယူနိုင်ပြီးအ ထောက်အကူကောင်းလေးတွေရနိုင်မလားရည်ရွယ်ချက်နဲ့တင်ပြပေးရတာပါ။ တင်ပြခဲ့တဲ့အချက်တွေထဲမှာ အချို့အချက်တွေလုပ်မယ်ဆိုရင် အချိန်မှီပါသေးတယ်။ အဓိက က အစိုးရရော ပြည်သူပါ တက်ညီလက်ညီ ပါဖို့ ပါပဲ။


          ရေဘေးသင့်နေသူများ အမြန်ဆုံးဘေးလွတ်ကြပါစေ၊
          လူအချင်းချင်း၊ လှည့်ပတ်ခြင်း၊ ကင်းရှင်းကြပါစေ၊
                                                        အားလုံးကိုချစ်ချစ်လေးစားတန်ဖိုးထားလျက်..
                                                                               ပီတိ(ပေကြီး)
                                                        စာပေချစ်သူများအဖွဲ့-စာပေနှင့်ပရဟိတကွန်ယက်



No comments:

Post a Comment

Blogger Tips And Tricks|Latest Tips For Bloggers Free Backlinks