လူငယ်မောင်မယ်များနှင့်ဘာသာတရား

လူငယ်မောင်မယ်များနှင့်ဘာသာတရား

တစ်နေ့ လက်ခုပ်သုံးခါတီး

ငါးဟင်းကြီးများ အမြဲစား

ရေအေးကြီးများ ခါခါသောက်

တောင်ဝှေး သုံးချောင်းထောက်

အန္တရာယ်တွေ ကင်းပျောက်

မဂ်ဖိုလ်နိဗ္ဗာန်ရောက်။

          ရွှေရေးဆောင်ဆရာတော်ဘုရားကြီးဦးဝစီရဗုဒ္ဓိ ရေးသားထားတဲ့ ကဗျာလေးပါ။ ယနေ့ခေတ် လူငယ်မောင်မယ်တွေ အတွက် ဘာသာတရားကို လက်တွေ့လိုက်စားရင် လက်တွေ့ရနိုင်မဲ့ အကျိုးတရားတွေကိုနားလည်သဘောပေါက်လွယ်ပြီး လိုက်နာ ကျင့်သုံးချင်လာအောင်ရေးပေးဖို့
ဖက်ရှင်တိုင်းမ်(FSHION TIME)အယ်ဒီတာချုပ် ဆရာမိုသျှန်းကတောင်း ဆိုလာ တော့ဆရာတော်ကြီးရေးသားဆုံးမခဲ့တဲ့အထက်ပါကဗျာလေးကိုပြေးသတိရမိလိုက်ပါတယ်။
          ဒီကဗျာကိုဦးတည်ပြီး လူငယ်မောင်မယ်များနှင့် ဘုရားရှိခိုးခြင်း၊ လူငယ်မောင်မယ်များနှင့် သီလစောင့်ထိန်းခြင်း၊ လူ ငယ်မောင်မယ်များနှင့်မေတ္တာပွားများခြင်း၊ လူငယ်မောင်မယ်များနှင့် ၀ိပဿနာ အားထုတ်ခြင်း စတဲ့စတဲ့ ခေါင်းစဉ်လေးတွေနဲ့ ရေးပေးသွားဖို့စိတ်ကူးထားမိပါတယ်။
          တကယ်တော့ဘာသာတရားဆိုတာ ကိုးကွယ်အားထားစရာပါ။ တစ်နည်းပြောရရင်အထိန်းအကွပ်ပါ။ အထိန်းအကွပ် ဆိုတာလူကိုချုပ်နှောင်ထားတဲ့ သဘောမဟုတ်ပါဘူး။ စည်းကမ်းရှိဖို့ကိုပြောတာဖြစ်ပါတယ်။ ဘယ်လိုမျိုးလဲဆိုတော့ အတန်း ကျောင်းထဲမှာ မုန့်ဝယ်စားပြီး အိပ်ခွံတွေ ဒီအတိုင်းချထားတာမျိုးပေါ့။ စည်းကမ်း မရှိတော့ဆရာအပြစ်ပေးတာခံရတယ်။ အမှန် ကစည်းကမ်းမရှိသူကို ချုပ်နှောင်ထိန်းကွပ်ခံရတာပါ။ စည်းကမ်းရှိ သူကနေရာတိုင်းအတွက် လွတ်လပ်ပါတယ်။ ဒီတော့မှတ်သား ထားရမှာက စည်းကမ်းဆိုတာ ကိုယ်ကထိန်းချုပ် နိုင်ရင် လွတ်လပ်စွာနေရတယ်။ ကိုယ်ကလွတ်လပ်စွာစည်းကမ်းမဲ့ နေမိရင် ထိန်းချုပ်နှိပ်ကွပ်ခံရတတ်တယ်။ဆိုတာပါပဲ။
          လူငယ်မောင်မယ်တို့ရေ လူဆိုတာဖြစ်လာရင် ဘာသာတရားတစ်ခုတော့ အားကိုးအားထားပြုရတယ်။ ဘာသာတရားမှ လွတ်သွားတဲ့သူဟာ ပရမ်းပတာဖြစ်သွားတတ်တယ်။ လူပုံအလယ်မှာနေနေရတဲ့မင်းတို့လည်း နေရင်းထိုင်ရင်း သွားရင်းလာရင်း ဘာသာတရားလိုက်စားသူနဲ့ ဘာသာတရားကို ပစ်ပယ်သူတို့ရဲ့ကွာဟမှုကိုတွေ့မိကြမှာပါ။ လူမချမ်းသာချင်နေ စိတ်အမြဲ လန်း ဖြာနေတဲ့သူတွေကိုမင်းတို့လေးတွေတွေ့ဖူးမယ်ထင်ပါတယ်။
          တစ်နေ့က တရားပွဲတစ်ခုမှာ လူငယ်မောင်မယ်တော်တော်များများ တရားနာနေတာကို တွေ့ခဲ့ရတယ်။ဝမ်းသာလိုက်တာ လူဖြစ်ရကျိုးနပ်လိုက်တာ ။ အဲဒီလိုတရားနာပေးရင်လက်တွေ့ဘာအကျိုးကျေးဇူးတွေ ရမယ်ထင်သလဲ။ သိပ်ရတာပေါ့။ အသိတ ရားတွေတိုးပွားမယ်။ အမျှော်အမြင်ဥာဏ်ပညာတွေ ကျယ်ဝန်းလာမယ်။ ကိုယ်ကျင့်တရားတွေစောင့်ထိန်းတတ်လာမယ်။လိမ္မာ
ရေးချားရှိလာမယ်။ဘာသာတရားကိုင်းရှိုင်းလာမယ်။စာနာစိတ်တို့ဖြစ်ပေါ်လာလိမ့်မယ်။
          ဥပမာမယ် သွားရင်းလာရင်း အလုပ်လုပ်ရင်း ကျောင်းတက်ရင်းဒေါသဖြစ်စရာလေးကြုံလာမယ်။ အဲဒီမှာ ဒေါသရှေ့ထား မှားတတ်တယ်လို့ နာခဲ့ဖူးတဲ့ တရားလေးကိုပြန်သတိရပြီး သည်းခံတတ်လာမယ်။ ဒေါသကိုထိန်းချုပ်ပြီးသည်းခံလာတဲ့အခါပြဿ နာဖြစ်ရမယ့်နေရာ ဖြစ်မလာတော့ဘူး ။ လောကထဲမှာက ပြဿနာတစ်ခုကို ဖြစ်အောင်လုပ်ရတာ လွယ်သလောက်ပြန်ဖြေရှင်းရ
တာမလွယ်ဘူး။အချိန်ကုန်ငွေကုန်စိတ်ပင်ပန်းရတယ်။
          ဘာသာတရားကိုလိုက်စားရင် ကိုယ်ကလိမ်လိမ်မာမာရှိလာလို့ အလုပ်တွေကို ရိုးသားစွာ ကြိုးစားလုပ်မယ်။ ကိုယ်ယဉ် ကျေး၍ စိတ်အရည်အသွေးလည်းမြင့်တက်လာမယ်။ နေရာတိုင်းက လူတိုင်းရဲ့အရေးပေးမှုကိုလည်းခံရလို့ ကိုယ်လုပ် သမျှကူ ညီမယ့်သူတွေလည်းပေါလာလိမ့်မယ်။
          လူငယ်မောင်မယ်တို့ရေ မင်းတို့လည်းတွေ့ဖူးမှာပါ။ ဘာသာရေးလိုက်စားတဲ့လူတစ်ယောက်ရဲ့မျက်နှာဟာ ကြည်လင်လို့ နေတယ် ရုပ်ဆိုးတောင်မှကြည့်ကောင်းလို့နေတယ်။မြင်ရတဲ့သူတောင်စိတ်ချမ်းတသာဖြစ်ရတယ်။ ဒါကြောင့်မင်းတို့လေး တွေ
ဘာသာရေးကိုလိုက်စားကြကွဲ့။ အသက်ငယ်သေးတယ်ဆိုတဲ့ အကြောင်းပြချက်နဲ့တော့ ရှောင်ဖယ်မသွားကြလေနဲ့။
          ငယ်ကသိထားမှ ကြီးလာပိုလုပ်ဖြစ်မှာ ကြီးမှသိရင် အချိန်မမှီတတ်ဘူး။ ဘယ်အရာတိုင်းမဆို ငယ်ကသိထားမှပိုတန်ဖိုး ရှိတာ။ယနေ့လူငယ်တွေဟာ နောင်အနာဂတ်ရဲ့ကြယ်ပွင့်တွေပါ။အားလုံးမသေသေးရင် လူကြီးဖြစ်လာကြဖို့သေချာနေတယ်။ ဟို ငယ်စဉ်(၅)နှစ် အရွယ်ကစ စာသင်ကျောင်းမှာနေ ပညာသင်လို့တစ်တန်းချင်းတက်လာခဲ့ ကြတာ အသက်ကြီးလာတာနဲ့အမျှ အ တန်းမြင့်ပြီး  ပညာတတ်ကြီးတွေဖြစ် ဘွဲ့တွေရနဲ့ နိုင်ငံရဲ့အကျိုးတရားတွေကို တိုးပွားလို့ဆောင်ရွက်နိုင်ကြသလို ဘာသာတရား ငယ်ကတည်းက လိုက်စားပြီး စာနာမှု ကူညီမှု သူ့အကျိုးလိုလားမှုတွေ ရှိလာမှ ကြီးလာတဲ့အခါ လူသားချင်းစာနာမှု၊ကူညီမှုစောင့်  ရှောက်မှု သူ့အကျိုးတိုးတက်အောင် ဆောင်ရွက်မှုတွေ ပြုလုပ်ဖြစ်ကြမှာ။ ဒါဆိုရင် မြင်ကြည့်လိုက် လူငယ်တိုင်း ဘာသာ တရား လိုက်စားရင် နောင်လူကြီးတိုင်း စာနာမှု အနစ်နာခံမှု သူ့အကျိုးကိုဆောင်ရွက်မှုတွေနဲ့ပြည့်နေခါ တိုးတက်တဲ့လူ့ဘ၀ကိုရပ်တည် နိုင်လာမယ်လေ။
          လူတိုင်း လူသားချင်းစာနာပြီး လူမှုရေးကိုနားလည်နေရင် အဲဒီ တိုင်းပြည်တိုးတက်ပြီ။ အောက်ကျနောက်ကျမဖြစ် တော့ ဘူး။ ဒါကြောင့်ဘာသာတရားကို လိုက်စားကြလို့ပြောတာပေါ့။ တို့တိုင်းပြည်ကြီး အဆင့်မီအောင်၊ ကြီးပွားအောင်၊စည်ပင်ပြန့်ပြော အောင် လူငယ်တိုင်း ဘာသာတရားကို လိုက်စားဖို့လိုတယ်။ လူငယ်မောင်မယ်တို့ရေ ဆိုင်ကယ်တ၀ီဝီကားတ၀ူးဝူးနဲ့သိပ်ပြီးလမ်း သလားလို့ ကဲမနေကြနဲ့ အစောကပြောခဲ့သလို လွတ်လပ်စွာနေရင် ချုပ်နှောင်ထိန်းကွပ်ခံရတတ်တယ်။ ကိုယ် ကထိန်းချုပ်နေရင်  လွတ်လပ်စွာ နေရတတ်တယ်ဆိုတာလေး သဘောပေါက်ထားလိုက်။
          ကိုယ်တို့မင်းတို့တစ်တွေက ငယ်ရွယ်စဉ်မှာလွတ်လပ်စွာလမ်းသလားနေခဲ့ကြတော့ ကြည့်စမ်းတို့နေရ၊ထိုင်ရ၊စားသောက်  ရတာ ဘယ်ဟာများ လွတ်လပ်ပေါ့ပါးချောင်လည်ခဲ့လို့လဲ။
          ဘာသာတရား မလိုက်စားတော့ စာနာတရားမရှိ ကိုယ်ကောင်းကိုယ်စံ၊ ကိုယ်ထင်ရာကိုယ်လုပ်၊ ကိုယ်ရှိတာ ကိုယ်စားနဲ့ သူ့ထက်ငါ ငါ့ထက်သူ ပြိုင်ကြဆိုင်ကြ မာန်ထောင်ကြနဲ့ တစ်ကိုယ်ကောင်းသမားတွေများပြီး တိုင်းပြည်ပါအောက်ကျ နောက်ကျ ဖြစ် ရ တယ်လေ။
          ဘာသာတရားသာ လိုက်စားရင် သူကကိုယ့်အကျိုး၊ ကိုယ်က သူ့အကျိုးနဲ့ လူသားချင်းရိုင်းပင်းစာနာကူညီ၊ တစ်ဦးကစေ တနာ တစ်ဦးကမေတ္တာဆိုတဲ့ ပြယုဂ်အောက်မှာတစ်ယောက်ကိုတစ်ယောက် ပိုပိုရင်းနှီး တက်ညီလက်ညီ အများအကျိုးဆောင် ရွက်တော့ အရာရာတိုးတက်ပြန်တာပေါ့။ စုပေါင်းညီညာ အောင်ကြောင်းဖြာ၊ စည်းလုံးခြင်းသည် အင်အား ဆိုတာ ငယ်စဉ်ကသင် ခဲ့ဖူးကြရဲ့မလား။
          လူငယ်မောင်မယ်တို့ရေ  အချိန်ဆိုတာသိပ်ပြီး အရေးကြီးတယ်ကွ။ ငယ်ငယ်ရွယ်ရွယ်နဲ့ လမ်းသလားပြီး အက်စီးဒင့်ဖြစ် သေတဲ့လူငယ်တွေရဲ့ အသက်ကို အရမ်းနှမြောတယ်ကွာ။ ဘ၀တစ်ခု ရလာဖို့ဆိုတာ မလွယ်ဘူး။ခေတ်ကာလကြီးထဲမှာ ရုပ်ဝတ္ထု  လို့ဆိုတဲ့ ကား၊ ဆိုင်ကယ်၊လေယာဉ်၊ ကွန်ပျူတာစတာတွေအရမ်းထွန်းကား တိုးတက်လာတော့လူငယ်တွေ အဲဒီဒဏ်ကိုမခံနိုင် ကြဘူး။ သူ့ထက်ငါ ငါ့ထက်သူနဲ့ စာနာမှုကင်းမဲ့စွာ လိုက်ယူနေကြတော့ စိတ်ဝတ္ထုခေါ်တဲ့ အသိစိတ်တွေ ကိုယ်ကျင့်တရားတွေ က ပျက်လိုက်နေကြ တာ ရင်လေးစရာပဲ။ ဘာသာတရား မလိုက်စားသူမှန်သမျှ ဒီတိုးတက်မှုရဲ့ဒဏ်တွေကို မခံနိုင်ကြဘူး။
          နောက်တစ်ခုထင်သာအောင်ပြောရဦမယ်။ တိုးတက်လာတဲ့ ခေတ်ထဲမှAIDS ကာကွယ်နည်းတွေ၊ ကိုယ်ဝန်တားဆေး တွေ ပေါလာတော့ လူငယ်မောင်မယ်တွေကိုယ်ကျင့်သီလအရမ်းပျက်ပြားလာကြတယ်။ ကာကွယ်ရင်ရတာပဲ ၊တားဆေးသောက် ရတာ ပဲနဲ့ စိတ်အလိုကိုလိုက်လာကြတယ်။ ရသာရှိသာ၏ တစ်ဆို့ဆို့ ဆိုသလိုပဲ ဒီလိုကာကွယ်လို့ရမှန်းသိတော့ ရည်စားတောင် ရသလောက်ထားပြီး တစ်ယောက်ဆိုတစ်ယောက် ပိတောက်ဆိုပိတောက် ဆိုတဲ့ဆိုရိုးကို ဖျက်ကုန်ကြတယ်။
          တကယ်အိမ်ထောင်ပြုကြပြီဆိုတော့လည်း သူကမမှန်မကန် ကိုယ်ကလည်းမမှန်မကန်တွေ့ကြရပြီး မှန်ကန်မှုမရှိတော့ အိမ်ထောင်ရေးတွေ အဆင်မပြေဖြစ်ကြရတယ်။ ငယ်ကျိုးငယ်နာတွေဖော်ပြတော့ ပိုဆိုးတာပေါ့။ သာယာချမ်းမြေ့တဲ့ အိမ်ထောင် ရေးကိုမရကြတော့ဘူး။ ဖောက်ပြန်လို့ရမှန်းသိဖောက်ပြန်ချင်နေတဲ့ဓါတ်ခံကလည်းရှိနေတော့အကျင့်ပျက်ကြတာပေါ့။
          ဘာသာတရားလိုက်စားလို့သီလသာမြဲရင် လူငယ်မောင်မယ်တို့ရေ ကာမေသုမိစ္ဆာစာရသိက္ခာပုဒ်ကျိုးမှာကြောက် လို့မှန် ကန်တဲ့ ချစ်သူမှန်ကန်တဲ့အိမ်ထောင်ရေးကိုရရှိကြ ပျော်ရွှင်ချမ်းမြေ့တဲ့ မိသားစု ပျော်ရွှင်ချမ်းမြေ့တဲ့ တိုင်းပြည်ကြီးကို ရရှိပိုင်ဆိုင် ကြမှာပါ။
          ကဲလူငယ်မောင်မယ်တို့ရေ နောက်လမှ ဟိုးအထက်ဆုံးက ကဗျာလေးထဲက တစ်နေ့လက်ခုပ်သုံးခါတီးဆိုတာကိုလူငယ် မောင်မယ်များနှင့် ဘုရားရှိခိုးခြင်းဆိုပြီး ရေးပါဦးမယ်။ဒီလအတွက်တော့ ခုလောက်ပြောထားရင်ပဲ ဘာသာတရားဟာ လူငယ်တွေ အတွက်ဘယ်လောက်အရေးကြီးတယ်ဆိုတာ သိလောက်ပြီလို့ထင်ပါတယ်။
          ကိုယ်တော့မင်းတို့လေးတွေကို ဘာသာတရားဘက်မှာ အလေးထားလိုက်စားစေချင်တယ်ကွာ။

ဘာသာတရား လိုက်နာငြားက

စာနာတရား စိတ်မှာထား၏

ဘာသာတရား လိုက်နာပွားက

တိုင်းသူပြည်သား အကျိုးများ၏

ယနေ့လူငယ် ဘာသာကွယ်လျှင်

နောင်ရေးမလွယ် ဆုတ်ယုတ်ဖွယ်တည်း။

                                                                                 ပီတိ(ပေကြီး)

          ၀န်ခံချက်။       ။ဤစာမူသည်ကျွန်တော်ဖက်ရှင်တိုင်းမ် မဂ္ဂဇင်းစက်တင်ဘာလ 2012 တွင်ရေးသားခဲ့သောစာမူဖြစ်ပါသည်။
အရင်ကအွန်လိုင်းပေါ်ရေးပြီးသားစာကိုမဂ္ဂဇင်းပို့ဖြစ်သော်လည်း။ဒီစာမူကိုတော့အရေးပေါ်မဂ္ဂဇင်းမှာရေးပြီးမှအွန်လိုင်းပေါ်ပြန်တင်ခြင်းဖြစ်ပါသည်။
ကျွန်တော်ရေးသောစာများမဂ္ဂဇင်းစာမျက်နှာများပေါ်တွင်လည်းအားပေးကြပါဦးနော်။