လူငယ်မောင်မယ်များနှင့်မေတ္တာပွားများပို့သခြင်း

လူငယ်မောင်မယ်များနှင့်မေတ္တာပွားများပို့သခြင်း

          လူငယ်မောင်မယ်တို့ရေ…

          ရေအေးကြီးများခါခါသောက်ဖို့အလှည့်ကျလာပြီနော်။ အင်းရေဆိုတာအေးမြတဲ့သဘော ကြည်လင်တဲ့သဘော အပူရဲ့ ဆန့်ကျင်ဘက်ပါပဲ။ ဒီလိုအေးမြကြည်လင်တောက်ပတဲ့အတွက်ကြောင့် ရေကိုလူတိုင်းကြိုက်ကြတယ်။ သစ်ပင်ပန်းမန်နဲ့ ကမ္ဘာ မြေကြီး အမြဲစိမ်းလန်းစိုပြေဖို့အတွက်ရေဟာမရှိမဖြစ်လိုအပ်တယ်။ လူတစ်ယောက်ရဲ့အသက်ရှင်နေနိုင်ရေးအတွက်ဟာလည်း ရေဓါတ်ဟာလိုအပ်လှပါတယ်။ ဒါကြောင့်ရေအေးကြီးများကိုခါခါသောက်ခိုင်းတာပေါ့။

          ဒီလောက်ဆို သဘောပေါက်ရဲ့မဟုတ်လား။ရေဆိုတာ အေးမြတဲ့အတွက်ကြောင့်တင်စားပြီးပြောထားတာပါ။ အေးမြခြင်း သည်မေတ္တာဆိုတာ လူငယ်မောင်မယ်တို့သိပြီးသားပါ၊ ဘ၀မှာအေးချမ်းသာယာပြီး လူချစ်လူခင်ပေါအောင်မေတ္တာများများပို့ကြ ပါလို့ဆိုလိုတာပါ။ လူငယ်မောင်မယ်တို့ရေ မေတ္တာဆိုတာတကယ်လေးနက်တယ်ကွ ပွားများရင်ပွားများသလောက်အကျိုးကျေး ဇူးကြီးတယ်။ဒါကြောင့်လည်း `တစ်နေ့သုံးခါ၊အိုးတစ်ရာဖြင့်၊ချက်ခါထမင်း၊ကျွေးမွေးခြင်းထက်၊မယွင်းစင်စစ်၊နို့တစ်ညှစ်စာ၊မေတ္တာ ပွားကာ၊ အကျိုးများသည်´လို့ စပ်ဆိုထားကြတာပေါ့။ နေ့တိုင်းလူပင်ပန်းခံ စိတ်ပင်ပန်းခံ ငွေကုန်ကြေးကျများစွာခံပြီး အိုးပေါင်း တစ်ရာနဲ့ ချက်ပြုတ်ကျွေးမွေးလှူဒါန်းတာထက် ၊နွားမကြီးရဲ့နို့အုံက တစ်ခါလောက်ပဲညှစ်လိုက်တဲ့နို့တစ်ညှစ်စာလောက် စစ်မှန် တဲ့မေတ္တာပွားများမယ်ဆိုရင် မေတ္တာပွားလို့ရတဲ့အကျိုးကပိုကြီးမားမွန်မြတ်သတဲ့။

          တို့ဗုဒ္ဓမြတ်စွာဟာ ဘုရားဖြစ်ဖို့ရာဘ၀ပေါင်းအလီလီ မေတ္တာပါရမီကိုအထူးဖြည့်ကျင့်တော်မူခဲ့ရတာ။တိုက်ခိုက်လာသမျှ ရန်သူတွေကို မေတ္တာလက်နက်နဲ့ဖြိုခွဲဖျက်စီးလာခဲ့ပြီး ဖြစ်ချင်တဲ့ပန်းတိုင်အရောက်လှမ်းခဲ့တာ အံ့မခန်းတဲ့မေတ္တာအစွမ်းပါပဲ။ လူငယ်မောင်မယ်တို့လည်းကြားဖူးမှာပါ။ ဥတေနဇာတ်တော်မှာ သာမာဝတီရဲ့မေတ္တာဟာ မာဂဏ္ဍီဘယ်လိုတိုက်လို့မှမအောင်မြင် ခဲ့ဘူး။ ဥတေနရဲ့မြှားပစ်ချက်တောင် မေတ္တာကိုသိပြီးပစ်သူဆီပြန်လှည့်တဲ့အထိပါပဲ။ သီရိမာဆိုတဲ့ပြည်တန်ဆာမဟာ မယ်ဥတ္တရာအပေါ်မနာလိုပြီး စည်းစိမ်တွေသူသာပိုင်ဆိုင်လိုတဲ့အတွက် ပွတ်ပွတ်ဆူနေတဲ့ ဆီရေနဲ့လောင်းတာတောင်မယ် ဥတ္တရာရဲ့ မေတ္တာအဟုန်ကြောင့် အေးမြတဲ့ရေစင်အဖြစ်ပြောင်းလဲသွားခဲ့ဖူးတယ်။

          ဒီတော့ မေတ္တာဟာလုပ်ငန်းတစ်ခုမှာအရေးပါအရာရောက်လှတဲ့လက်နက်တစ်ခုလို

့သတ်မှတ်ပြီးမေတ္တာတရားထားတတ် ဖို့ပို့တတ်ဖို့ ပွားတတ်ဖို့သိပ်လိုအပ်လှပါတယ်။ဒါမှသာလျှင် လူငယ်မောင်မယ်တို့လုပ်ငန်းလုပ်တဲ့နေရာမှာ တစ်ဦးကိုတစ်ဦးစောင်း မြောင်းမနေတော့ဘဲ ချစ်ချစ်ခင်ခင်စည်းစည်းလုံးလုံးလုပ်ငန်းလုပ်နိုင်ကြမှာဖြစ်ပါတယ်။ တကယ်တော့မေတ္တာဆိုတာ အဒေါသ စေတသိက်လို့ခေါ်တယ်။ 

အဒေါသဆိုတာက ဒေါသမဟုတ်တာဒေါသမဖြစ်တာ ဒေါသမရှိတာကိုပြောတာပါ။ အရာရာတိုင်းဟာ ဒေါသရှေ့ထားအမှားများတယ်မဟုတ်လား။ဒီတော့အမှားမများအောင်ဒေါသနေရာမှာ အဒေါသလို့ဆိုတဲ့မေတ္တာတရားသာပွား များကြမယ်ဆိုရင် တို့လူငယ်မောင်မယ်တို့လုပ်ငန်းတိုင်းမှာအမှားနည်းပြီးအောင်မြင်တဲ့လမ်းအရောက်လှမ်းနိုင်ကြမှာဖြစ်ပါတယ်။

          မေတ္တာဆိုတာ ကိုယ့်ပေါ်မှာဘယ်လောက်ပဲ ဒေါသတွေအားကြီးပြီး မဟုတ်မဟပ်လုပ်ဇာတ်တွေပြောပြော မမှန်မကန်ကြံ ဖန်ခါပဲအပြစ်တင်အပြစ်တင် ချစ်ခင်လာစေနိုင်အောင် စွမ်းဆောင်နိုင်စွမ်းရှိတယ်။ ကိုယ့်အပေါ်မှာ ဘယ်လိုရန်မူပါစေ ကိုယ်က သာမှန်ကန်တဲ့မေတ္တာပွားများပေးရင် ကိုယ့်ကိုပြန်ကူညီတဲ့သူအဖြစ်ပြောင်းလဲပေးနိုင်စွမ်းရှိတယ်။ ပြီးတော့ မေတ္တာတရားဟာ အဆိပ် ကိုတောင်ပြယ်စေတယ်တဲ့။လူငယ်မောင်မယ်တို့တွေဟာ ပုဂ္ဂိုလ်တိုင်းသတ္တ၀ါတိုင်းအပေါ်မှာ အမြဲမပြတ်သွားရင်းလာရင်း နေထိုင်းရင်းကစ စိတ်ထဲကနေကျန်းမာစေ ချမ်းသာစေလို့စစ်စစ်မှန်မှန်ပို့သနေရင် ကိုယ့်အပေါ်မှာ မကောင်းတဲ့စိတ်နဲ့ အစာထဲမှာ အဆိပ်ထည့်ပြီးခတ်သတ်တောင်အဲအဆိပ်ဟာ လူကိုသေစေလောက်တဲ့အထိအန္တရာယ်မပေးနိုင်ပဲပျက်ပြယ်နိုင်စွမ်းရှိတယ်။

          နောက်လူငယ်မောင်မယ်တုိ့သွားတဲ့နေရာလာတဲ့နေရာတိုင်းမှာ မေတ္တာအကျိုးကြောင့် အမြဲတန်းအဆင်ပြေစေနိုင်တယ်။ ကိုယ့်ကိုချစ်ခင်ကူညီတဲ့သူတွေနဲ့ချည်းတွေ့ရလို့ လုပ်ငန်းတိုင်းအောင်မြင်တတ်တယ်။ မထင်မှတ်စရာကောင်းလောက်အောင်ပဲ မေတ္တာကြောင့် လူရာဝင်သူဖြစ်လာလိမ့်မယ်။ဒါတွေကို ကိုကတရားလွတ်ရမ်းပြောနေတာမဟုတ်ဘူးနော် ။ဗုဒ္ဓမြတ်စွာဟောခဲ့တဲ့ မေတ္တာအကျိုးတွေကိုမှီငြမ်းဖတ်မှတ်ပြီးသိသလောက် ပြောပြပေးတာ။ တိုက်ရိုက်ပြတဲ့မေတ္တာအကျိုးကတော့(၁၁)မျိုးရှိတယ်ဆို တာတို့မောင်မယ်တွေသိပြီးသားပါ။ အိပ်နိုးချမ်းသာ၊ ယုတ်မာမမက်၊နှစ်သက်လူနတ်၊ စောင့်မှတ်နတ်များ၊ ဆိပ်ကားမနှံ့၊စိတ်ပြန့် တည်ကြည်၊ရွှင်သည့်မျက်နှာ၊ သေခါမတွေ၊ လားလေဗြဟ္မာ၊ဆယ့်တစ်ခါဟု၊မေတ္တာနိသင်၊ကျိုးဆက်ထင်သည်၊ရှင်လူအများ၊ကျင့် ရာသော်…တဲ့။ မေတ္တာဟာလက်တွေ့ပွားများပို့သရင်လက်တွေ့အကျိုးတရားရတယ်ကွ။ ကိုလည်းမေတ္တာအကျိုးကိုကောင်း ကောင်း ကြီးရခဲ့ဖူးတယ်။

          အဆိပ်တောင်ပြယ်တယ်ဆိုတဲ့နေရာမှာ ရိုးရိုးအဆိပ်ခတ်လို့ပြယ်ရုံတင်မကဘဲ ၊ မီးဘေးကြုံလို့ ကိုယ့်ကိုမီးမလောင်တာ တို့ သေနတ်နဲ့ပစ်လို့ ကိုယ့်ကို သေနတ်မမှန်တာတို့ထိအကျိုးကျေးဇူးများတယ်။ အစောကပြောခဲ့တဲ့ သမာဝတီလိုမေတ္တာရှင်ကို မြှားမမှန်ပဲ ပစ်သူဥတေနဆီကိုသာမြှားဦးပြန်လှည့်ပြေးဒါမျိုးပေါ့။ ကုန်ကုန်ပြောရရင် မေတ္တာကြီးမားရင်ရှေးဝတ်ကြောင့်သာ သေရင်သေမယ် သာမန်ကတော့သူများသတ်လို့ဘယ် တော့မှမသေဘူး။

          ထူးခြားတဲ့အချက်တစ်ခုက မေတ္တာကြီးတဲ့သူဟာ မျက်နှာဟာအမြဲကြည်လင်တောက်ပနေတယ်။ ရွှင်ပြုံးနေတတ်တယ်။ ကိုယ့်ကိုယ်ကိုလည်း ယုံကြည်မှုအပြည့်ရှိတတ်တယ်။ ဘယ်လောက်ခက်ခဲတာဖြစ်ဖြစ်အန္တရာယ်များတာဖြစ်ဖြစ် လုပ်ကိုင်ဖို့မ ကြောက်မရွံ့တတ်ဘူး၊မကြောက်မရွံ့သလိုပဲ အန္တရာယ်လည်းမပြုနိုင်ကြဘူး။ မေတ္တာပို့သူကို လူတင်မကနတ်တွေကပါ ချစ်ခင် ကြင်နာပြီးအမြဲစောင့်ရှောက်တတ်ကြတယ်။ နတ်ချစ်တော့မကောင်းတဲ့ဘေးရန် တားဆီးကာကွယ်ပေးနိုင်တယ်။ ပိုပြီးထူးခြားတဲ့ အချက်က စုန်း၊ကဝေ၊ပြိတ္တာ၊သရဲမှင်စာ၊စတဲ့မိစ္ဆာတွေက ကိုယ့်ကိုအန္တရာယ်မပြုရဲကြဘူးမပြုနိုင်ဘူး။ ဒီတော့အမှောက်ပယောဂ ကြောင့်ဘေးရန်မကျရောက်နိုင်ဘူးပေါ့။ အလွန်အင်မတန်သရဲတစ္ဆေပေါများခြောက်လှန့်ပါတယ်ဆိုတဲ့ နေရာတစ်ခုမှာ မေတ္တာအ မြဲပို့သသူတစ်ယောက်ထဲသွားရင်တောင် အရိပ်အမွတ်မျှမတွေ့ရဘဲ။ စိတ်ကလည်းကြောက်လန့်မှုစိုးစိမျှမရှိနိုင်ဘူး။ ဗုဒ္ဓမြတ်စွာ လက်ထက်က ရဟန်းငါးရာကိုပဲဥပမာကြည့်ပေါ့။ မေတ္တာမပွားများမပို့သကြတော့ အမျိုးမျိုးခြောက်လန့်နှောက်ယှက်လို့ တရားပင် အားမထုတ်ရဲတော့ဘဲ ပြန်ပြေးရတယ်။ ဗုဒ္ဓမြတ်စွာရဲ့နည်းပေးလမ်းညွှန်မှုအတိုင်း မေတ္တာပွားများပို့သကြတော့ မခြောက်လန့် မနှောက်ယှက်တဲ့အပြင် ကူညီမှုတောင်ပြုကုန်ကြသတဲ့။

          ဒါကြောင့်မို့ မင်းတို့လေးတွေနေရာတစ်ခုကိုပြောင်းရပြီဆိုရင် မေတ္တာပွားများဖို့မမေ့ကြနဲ့၊ မေတ္တာသာမပွားများရင်ရောက် တဲ့နေရာမှာအလုပ်ကအဆင်ပြေမသိ ရန်လိုသူများတတ်တယ်။ ဒါကြောင့်အရာအားလုံးနဲ့အဆင်ပြေနိုင်ဖို့အကောင်းဆုံးလက်နက် ဟာမေတ္တာမှတစ်ပါးအခြားမရှိဘူး။ ကိုတော့ခရီးသွားရင်ပဲဖြစ်ဖြစ် နေရာတစ်ခုပြောင်းရရင်ပဲဖြစ်ဖြစ် မေတ္တာကိုမဖြစ်မနေပို့သဖြစ် တယ်။အင်းမေတ္တာတရားက  ကျန်းမာရေးအတွက်ပါ အဆင်ပြေစေတယ်လို့ပြောရင် မင်းတို့လေးတွေယုံမလားမသိဘူး။ မယုံမရှိ နဲ့မောင်ရေ့ မေတ္တာအကျိုးထဲမှာ အိပ်ယာဝင်ရင်ကောင်းကောင်းမွန်မွန်အိပ်ပျော်တယ်။ အိပ်ရာထရင်လန်းဆန်းကောင်းမွန်စွာထ ရတယ်ဆိုတာပါရဲ့မဟုတ်လား။ အဲဒါကျန်းမာရေးပဲကွ လူဟာ ဘယ်လောက်ပဲစားစား ကောင်းကောင်းမအိပ်ရဘူးဆိုရင်ကျန်းမာ ရေးထိခိုက်တာပဲ။

 နေ့စဉ်အလုပ်တွေနဲ့နပန်းလုံးနေရပြီး အိမ်ပြန်ရောက်ညအိပ်ရာဝင် အိပ်ရမဲ့အချိန်လေးမှာကောင်းကောင်းမွန်မွန် အိပ်စက်ရဖို့အလွန်အရေးကြီးတယ်။

          အအိပ်အစားမျှတမှကျန်းမာရေးဆိုတာကောင်းတာကွ။ ဒီတော့ အိပ်ရတဲ့အချိန်လေးမှာ အိပ်မပျော်ဖြစ်တာ အတွေးတွေ ဗလောင်ဆူနေတာ ကြောင်တောင်တောင်အိပ်မရဖြစ်တာတွေကြုံလာရင် ကျန်းမာရေးထိခိုက်ပြီသာမှတ်၊ ကျန်းမာခြင်းသည်  လာဘ်တစ်ပါးလို့ဆိုရဲ့မဟုတ်လား။ ကျန်းမာမှုမှမရှိရင် ဘယ်လောက်ချမ်းသာပါစေ ၀မ်းမသာဘူးလန်းမဖြာဘူး စိတ်ညစ်ညူးနေ လိမ့်မယ်။စိတ်ထောင်းတော့ကိုယ်ကြေတဲ့ စိတ်မဖောက်ပြန်ဖို့ရာလည်းဘ၀မှာအရေးကြီးလှတယ်။ ဒါကြောင့် အိပ်ရေး၀၀လင်လင် အိပ်ပြီးလန်းလန်းဖြာဖြာထနိုင်အောင် ကျန်းမာရေးမဖောက်ပြန်အောင် မေတ္တာများများပို့ဖို့လိုတယ်။ ကောင်းကောင်းအိပ်ရတယ် ဆိုတဲ့နေရာမှာ အလွန်ဟောက်သူ သွားကြိတ်သူ လူးလိမ့်အိပ်သူဟာ ကောင်းကောင်းအိပ်ရတယ်လို့မဆိုသာဘူး။ အများအ နှောက်အယှက်ဖြစ်သလို အိပ်ရသူကိုယ်၌ကလည်း ပင်ပန်းလှတယ်။ ဒီကြားထဲ အသံဒဏ်ကို မခံနိုင်လို့ အိပ်မရသူတစ်ယောက် ကထကန်ရင်လည်း အိပ်ရေးပျက် ရန်ဖြစ်ရတတ်တယ်။နောက်ပြီး အိမ်မက်ဆိုးတွေမြင်မက်ပြီး လန့်အော်တာ လန့်နိုးတာ စတဲ့ စိတ်ကိုအနှောက်အယှက်ပေးစေတာတွေရှိတယ်။

          အဲလိုအိပ်မက်ဆိုးမက် လန့်အော်တာ အအိပ်ကြမ်း ဟောက် သွားကြိတ်တဲ့သူများကိုပင် မေတ္တာပွားများပို့သ ခိုင်းရင် နှစ်လလောက်အကြာမှာလုံးဝ ပျောက်ကင်းသွားစေတယ်လို့ ဆိုတယ်။လူငယ်မောင်မယ်တို့ ၀န်းကျင်မှာဒီလိုအအိပ်ကြမ်းသူရှိရင် မေတ္တာကောင်းကောင်းပို့သ ခိုင်းကြည့်ပါလက်တွေ့အကျိုးတရားတွေကိုမြင်ရလိမ့်မယ်။

          လူတစ်ယောက်က စိတ်ပြန့်လွှင့်နေရင် ဘာရယ်လို့ မယ်မယ်ရရမရှိလောက်အောင်၊မလုပ်ချင်လောက်အောင်ဖြစ်သွား တတ်တာတွေရှိတယ်။အလုပ် လုပ်တဲ့အရာတိုင်းမှာစိတ်တည်ငြိမ်ဖို့ အလွန်အရေးကြီးတယ်။စိတ်မတည်ရင် လုပ်သမျှအလွှဲလွှဲ အကွဲကွဲသာဖြစ်ကုန်တတ်တယ်။ ပြန့်လွှင့်နေတဲ့စိတ်ကို

 ပြန်တည်ငြိမ်အေးဆေးလာစေချင်ရင်လည်းမေတ္တာသာလျှင်ဆေးကောင်း တစ်လက်ဖြစ်တယ်။မေတ္တာရဲ့ထူးခြားကြီးမားတဲ့လက်တွေ့ဘ၀မှာပင်

ကြုံတွေ့အဆင်ပြေနိုင်တဲ့အကျိုးတရားတွေကတော့များမှ များပဲ။ မောင်မယ်တို့တစ်တွေ မယုံဘူးဆိုရင်လက်တွေ့ပွားများပို့သကြည့်ပါ။တစ်လနှစ်လအတွင်းမှာထူးထူးခြားခြား ပြောင်းလည်း လာလိမ့်မယ်ဆိုတာ ကိုရဲရဲကြီးအာမခံရဲတယ်။ဘာလို့လဲဆိုတော့ မေတ္တာဆိုတဲ့အဓိပ္ပါယ်ဟာ တစ်ယောက်ယောက်အပေါ်ဝယ် သူ၏အကျိုးစီးပွားကိုလိုလားသောကြီးပွားအောင်စောင့်ရှောက်ကူညီလိုသောချစ်ခင်မှုဖြစ်နေလို့ပါပဲ။

          ဘယ်သူမဆိုကိုယ့်အကျိုးစီးပွားကိုလိုလားသောသူ ကူညီစောင့်ရှောက်သောသူကိုအလိုရှိကြတယ် ။ချစ်ခင်ကြတယ်။ ကျန်တာမပြောနဲ့ ကိုယ့်ရဲ့ မိဘတွေကိုတောင်မှ ကိုယ့်အပေါ်မှာအကျိုးလိုလားပြီးချစ်ခင်ကြင်နာစောင့်ရှောက်မှုရှိတဲ့မိဘများကို မှသားသမီးတွေက မိဘအပေါ်မှာ ပြန်လည်ချစ်ခင်သက်ဝင်ကြတယ်။ မွေးသာမွေးထားပြီး သားသမီးအကျိုးစီးပွားဘာမှမကြည့် မစောင့်ရှောက်ဘူး ပြုစုထောက်ပံ့မှုမရှိဘူးဆိုရင် သားသမီးတွေကမိဘတွေကိုပြန်လည်ချစ်ခင်ကြင်နာမှုမရှိကြဘူး။ ပြုစုစောင့် ရှောက်မှုမရှိကြဘူး။ ဒါကြောင့်မေတ္တာဆိုတာ သူ့အကျိုးကိုလိုလားကြီးပွားစေလိုသောစိတ်ဖြင့်ကူညီစောင့်ရှောက်ခြင်းလို့ပြော တာပေါ့။ 

          သူ့အကျိုးလိုလားတယ်ဆိုတာ ကျန်းမာစေလိုတဲ့အကျိုး ချမ်းသာစေလိုတဲ့အကျိုး လန်းဖြာဝမ်းသာစေလိုတဲ့အကျိုး ကိုပြောတာပါ။ သတ္တ၀ါတွေကျန်းမာပါစေ ချမ်းသာပါစေ လို့မေတ္တာပို့တာပဲမဟုတ်လား။ဒီတော့ ကိုယ့်မိသားစုအပေါ်မှာ မေတ္တာ ထားရင် မိသားစုနဲ့အဆင်ပြေပျော်ရွှင်စွာနေရမယ်။ ကိုယ့်ပတ်ဝန်းကျင်အပေါ်မှာမေတ္တာထားရင် ပတ်ဝန်းကျင်နဲ့အဆင်ပြေမယ်။ ကိုယ့်နိုင်ငံကလူတွေအားလုံးအပေါ်မှာအကျိုးလိုလားမေတ္တာပွားရင် ဒီနိုင်ငံထဲမှာလုပ်သမျှအဆင်ပြေမယ်။ အဲတစ်ကမ္ဘာလုံးအပေါ် မှာအကျိုးလိုလားမေတ္တာစိတ်ထားနိုင်ရင်တော့ တစ်ကမ္ဘာလုံးနဲ့အဆင်ပြေပြီပေါ့။သွားချင်တဲ့နေရာသွားစမ်း ဒုက္ခကြုံရင်ကူညီသူ အလိုလိုပေါ်လာလိမ့်မယ်။

          ဒီတော့ကိုစဉ်းစားမိတယ် လူသားတိုင်းပုဂ္ဂိုလ်သတ္တ၀ါတိုင်းသာ သူ့ကျိုးလိုလားမေတ္တာထားရင် တစ်ဦးပေါ်တစ်ဦးအကြင် နာပို ကူညီလိုတဲ့စိတ်တွေကြောင့် ခိုက်ရန်များခြင်း နိုင့်ထက်စီးနင်းပြုလုပ်ခြင်းတွေကင်းဝေးပြီးငြိမ်းချမ်းတဲ့ကမ္ဘာမြေမှာ ပျော်ရွှင်စွာ နေရမှာ။

ဒါကြောင့်မောင်မယ်တုိ့တစ်တွေဟာ သူတစ်ဘက်သားအပေါ်မှာ ၀န်တိုမစ္ဆေရကင်းပြီးမေတ္တာရှေ့ထားနေသွားကြဖို့အ လွန်အရေးကြီးတယ်။ ဒါကြောင့်ပဲမင်းတို့လေးတွေဘ၀ဘေးရန်မခဖြစ်ရမယ်။ လူသားတိုင်းသတ္တ၀ါတိုင်းဟာ တစ်ဦးပေါ်တစ်ဦး မနာလိုဝန်တိုပြီးတစ်ကိုယ်ကောင်းဆန်စွာပြုလုပ်နေမှုများကြောင့် မေတ္တာတရားခေါင်းပါးမှုတွေကြောင့် သတ်ကြဟယ်ဖြတ်ကြ ဟယ်။သူနိုင်ကိုယ်နိုင်အပြိုင်ကြဲကြဟယ်။ သူ့လူမျိုးကိုယ့်လူမျိုးအဆင့်ခွဲကြဟယ်။ သူ့ဘာသာကိုယ့်ဘာသာ အသာပြိုင်ကြဟယ် လုပ်နေကြတဲ့အတွက် တိုင်းနိုင်ငံကြီး ကမ္ဘာမြေကြီးမငြိမ်းမချမ်းဖြစ်နေရတာ မနာလိုရှင်း ၀န်တိုင်ကင်း ချက်ခြင်းမေတ္တာထားနိုင် ကြရင် ဘယ်စစ်ပွဲမှဖြစ်စရာမလိုသလို ဘယ်လူမျိုးမှရန်မခ နိုင်ပါဘူး။

          ဘုရားဟောဓမ္မမဒမှာ -

အက္ကောဓေန ဇိနေကောဓံ၊ အသာဓုံ သာဓုနာ ဇိနေ။

          ဇိနေ ကဒရိယံဒါနေန၊ သစ္စေနာလိက၀ါဒိနံ။

          ကောဓံ၊အမျက်ဒေါသထွက်သောသူကို။အက္ကောဓေန၊မိမိကအမျက်မထွက်ခြင်းဖြင့်(မေတ္တာဖြင့်)။

ဇိနေ၊အောင်မြင်ရာ၏။ အသာဓုံ၊စိတ်သဘောထား သေးသိမ်ညံ့ဖျင်းယုတ်မာသောသူကို။သာဓုနာ၊မိမိက စိတ်ကောင်းစေနတနာကောင်းထားခြင်းဖြင့်။ ဇိနေ၊အောင်မြင်ရာ၏။ကဒရိယံ၊တွန့်တိုစေးနဲ သဒ္ဓါတရားမွဲသော သူကို။ဒါနေန၊စွန့်ကြဲပေးကမ်းလှူဒါန်းခြင်းဖြင့်။ ဇိနေ၊အောင်မြင် ရာ၏။အလိက၀ါဒိနံ၊မမှန်မတရား မုသားစကားပြောကြားသူကို။သစ္စေန၊အမှန်တရားကိုပြောကြားခြင်းဖြင့်။ဇိနေ။မှန်စွာမသွေအမြဲ

 အောင်နိုင်ရလေတော့၏လို့ကိုဖတ်မှတ်ဖူးတယ်။

          ဒါကြောင့်လူမှုရေးပဋိပက္ခတွေ နိုင်ငံရေးရှုပ်ထွေးမှုတွေ မိသားစုအရေးမပြေလည်မှုတွေ ကမ္ဘာမြေပေါ်မှာဖြစ်နေသမျှစစ် ပွဲတွေရပ်တံ့ အေးချမ်းသာယာတဲ့ဘ၀မှာနေလိုကြလျှင် လူသားသတ္တ၀ါအားလုံးမေတ္တာတရားနှင့်နေကြဖို့ မေတ္တာပွားများပို့သဖို့ လိုအပ်လှကြောင်းပြောကြားရင်းနိဂုံးချုပ်ရအောင်။

 မောင်မယ်တို့တစ်တွေမေတ္တာကိန်းခါအေးချမ်းနိုင်ပါစေကွာ….။

သူ့ကျိုးလိုလား၊လွန်ကြီးပွား၊မှတ်သားမေတ္တာခေါ်ဆိုပေ။

မေတ္တာထားလျှင်၊ ဘ၀တွင်၊ မှန်ပင်ငြိမ်းချမ်းပေ။

ချစ်ခင်စုံမှတ်၊ ကူညီတတ်၊ မပြတ်တွေ့ရပေ။

မေတ္တာပို့လျှင် ၊အဆိပ်ပင်၊ ချစ်ခင်ပြယ်တတ်ပေ။

ကမ္ဘာငြိမ်းချမ်း၊ မေတ္တာပန်း၊ တင့်ဆန်းလိုလှပေ။

အေးချမ်းပျော်ရွှင်၊ နေလိုလျှင်၊ မြဲပင်မေတ္တာပွားလို့နေ။

အားလုံးကိုချစ်ခင်လေးစားတန်ဖိုးထားလျှက်......

         ပီတိ(ပေကြီး)