သံသယနောက်ကျော
ပီတိ(ပေကြီး)
ညီမလေးရေ…
တလောက ခွေးနှစ်ကောင်ရဲ့အဖြစ်အပျက်လေးတစ်ခု
မြင်တွေ့ခဲ့ရတယ်။ဖြစ်ပျက်ပုံရဲ့နောက်မှာတွေးမိ တာလေးတွေရှိလို့ အဲဒီအကြောင်းလေးကိုပြောပြချင်တယ်။
ညီမလေးသိတဲ့အတိုင်းကိုယ်က ဘုန်းကြီးကျောင်းသားဘ၀နဲကတစ်ရပ်တကျေး
လာနေရသူမဟုတ် လား။ တစ်ရက်ဘုန်းကြီးကျောင်းအရုဏ်ဆွမ်းအတွက် အီကြာကွေးနဲ့ လဘက်ရည်များစွာကျောင်းကို
အလှူ ရှင်တစ်ဦးကလာလှူသွားတယ်။
အီကြာတွေများလွန်းလို့ အရုဏ်ဘုန်းပေးလို့မကုန်
ကိုယ်တို့ကျောင်းသားတွေစားတာလဲမကုန်တာနဲ့ ညနေပိုင်းထိပိုလျှံနေတယ်။ ညနေပိုင်းမှာ ဘုန်းကြီးကျောင်းအပေါ်ထပ်ပြတင်းဝကနေ
ကိုလှမ်းမျှော်ကည့်နေ ခိုက် ခန္ဓာကိုယ်ကြုံလီပိန်ချုန်းနေတဲ့ ခွေးတစ်ကောင်ကို တွေ့ရတယ်။
အမြီးလေးကုတ်ပြီး ဟိုနမ်းဒီနမ်းနဲ့တွေ့ ကရာ ရှာကြံခိုးစားနေတဲ့ခွေးလေလွှင့်လေးပေါ့။
ခွေးကိုကြည့်ပြီး သနားတာနဲ့ဘာကျွေးစရာရှိလဲစဉ်းစားကြည့်တော့
အီကြာတွေကျန်နေသေးတာကို သတိရတာနဲ့ယူပြီး ခွေးပိန်းလေးကို တောက်တောက်တောက်လို့ ညှင်သာစွာခေါ်သံပေးလို့
အီကြာတစ် ချောင်းပစ်ပေါက်ကျွေးလိုက်တယ်။ဖြစ်ချင်တော့ညီမလေးရေ အဲဒီခွေးဟာအီကြာပစ်ပေါက်ကျွေးတာကို
သူ့ တုတ်နဲ့ပစ်ပေါက်တယ်ထင်လေရော့သလား အမြီးကိုကုတ်ပြီး တရှိန်ထိုးကျောင်းဝန်းအပြင်ဘက်ဆီကိုထွက်
ပြေးတော့တာပါပဲ။
ဒီချိန်မှာပဲ အီကြာပစ်ပေါက်ကျွေးလိုက်တာကိုမြင်တဲ့
ကျောင်းကခွေးက အဝေးကနေအပြေးလာပြီး အီ ကြာကိုစားပစ်လိုက်တယ်။ ကုန်သွားတဲ့အခါ ကိုရပ်နေတဲ့ပြတင်းဆီမော့ကြည့်ပြီး
အမြီးတနှံ့နှံ့နဲ့ထပ်ကျွေးလေ မလားအသိနဲ့ အစာတောင်းနေရှာတယ်။ကိုယ်လည်းကျောင်းကခွေးတွေအချိန်တန်စားရသောက်ရ၀ဖြီးနေတာ
မို့ ခွေးပိန်ခွေလေလွှင့်လေးတွေလာမှပဲထပ်ကျွေးမယ်ဆိုပြီး ကျောင်းခွေးကို ရှေ့ကထွက်သွားအောင်
ပြတင်း ပေါက်မှာချိတ်မရှိတာကြောင့် လေတိုက်ရင်တံခါးပြန်ပိတ်မလာအောင် ခုခံထားတဲ့ မြောက်မင်းတံဆိပ်
ဓါတ်ခဲအ ဟောင်းတစ်လုံးနဲ့ကောက်ပေါက်လိုက်တယ်။ ဒါကိုကျောင်းခွေးက ထွက်ပြေးဖို့နေနေသာသာသူ့အစာပစ်
ကျွေးတယ်ထင်ပြီး ဓါတ်ခဲပြေးရာဆီလိုက်နမ်းလေရှာရဲ့ အစာမဟုတ်တာသိမှ ပြန်လာပြီး အမြီးနှံ့အစာတောင်း
နေပြန်ပါရော။
ကိုကြုံတွေ့လိုက်ရတဲ့ခွေးနှစ်ကောင်ရဲ့အကြောင်းကတော့
ဒီလောက်ပဲညီမလေး။ ကိုပြောပြတဲ့အထဲ မှာညီမလေးဘာတွေ့မိလိုက်လဲ။ ကိုကတော့ ရိုးသားဖြောင့်မတ်ခြင်းနဲ့
မရိုးသားကောက်ကျစ်ခြင်းကိုတွေ့ လိုက်ရတယ်။ ဟုတ်တယ်ညီမလေး ခွေးလေးလွှင့်လေးဟာ လမ်းတကာသွား
တွေ့ကရာအိမ်ဝင်ပြီးခိုးရမ်းစား သောက်နေတဲ့အတွက် ကိုယ့်ကိုယ်ကို မလုံဘူး။ အမြဲအထိတ်တလန့်နဲ့နေ
နေရတယ်။ ကိုယ့်ကျွေးတဲ့အစာ တောင် ရန်မူတယ်အထင်အမှတ်နဲ့ထွက်ပြေးသွားတယ်။
ကျောင်းကခွေးကျတော့ ရိုးသားတယ်။ ကျွေးမှစားတယ်။
ခိုးမစားဘူး သူ့ရဲ့တာဝန်လည်းသူကျေပွန် အောင်ကင်းစောင့်ပေးတယ်။ ဒီတော့ဘာကိုမှကြောက်လန့်တုန်လှုပ်ခြင်းမရှိဘူး
အပြစ်မရှိတော့ နေထိုင်မှုလွတ် လပ်တယ်။ ဘယ်သူကမှအန္တရာယ်ပြုမယ်ထင်မထားဘူး။ ဒါကြောင့်သူ့ကိုပစ်ပေါက်လိုက်တဲ့ဓါတ်ခဲတောင်
အစာ ကျွေးတယ်အမှတ်နဲ့အမြီးနှံ့ကာပြေးနမ်းကြည့်တယ်။
ဒီကနေ့လူ့လောကကြီးမှာလဲ ဒီလိုပဲညီမလေး။ ရိုးသားဖြောင့်မတ်သူဟာအရာရာ
လွတ်လွတ်လပ်လပ် ပူပင်မှုကင်းစွာနေရတတ်ပြီး ကိုယ့်သိက္ခာကိုယ်လုံကြတယ်။ မရိုးသားကောက်ကျစ်စဉ်းလဲကြသူများကြတော့စား
သံသယ သွားသံသယ၊ နေသံသယနဲ့နေရာတကာ ပူပင်မှု ကြောင့်ကျမှုသောကတွေများလှတယ်။ သူတို့မှာ ကိုယ့်ကိုယ်ကို
မလုံတော့ ဘယ်အချိန်အန္တရာယ်ကျလာနိုင်မလဲ ဘယ်သူကရန်လာမူမလဲရယ်လို့ ထိပ်လန့်တုန် လှုပ်နေရရှာတယ်။
ကိုယ်တို့ဘုရားက ဟောခဲ့ဖူးတယ်။ က္ကုဓသောစတိ ပစ္စသောစတိ၊ ပါပကာရီ ဥဘယတ္ထသောစတိ တဲ့ မရိုးသားကောက်ကျစ်စဉ်းလဲမကောင်းမှုတွေလုပ်တဲ့သူဟာ
ဒီဘ၀မှာလဲစိုးရိမ်ပူပန်မှု သောကတွေနဲ့နေရတယ်။ နောက်ဘ၀မှာလည်း စိုးရိမ်ပူပန်မှုသောကတွေနဲ့နေရတယ်။
ပစ္စုပ္ပန်တမလွန် နှစ်ဘ ၀လုံးမှာ စိုးရိမ်ပူပန်မှုသောကတွေနဲ့နေရတယ်။ အဲဒီကောက်ကျစ်စဉ်းလဲမှုကြောင့်
အလွန်နေရထိုင်ရ စားရ သောက်ရတာပင်ပန်းဆင်းရဲရတယ်တဲ့။
ဒီတော့ပေါ့ညီမလေးရယ် ယနေ့ဘာပဲလုပ်လုပ် ကိုယ့်ရဲ့ပြုမူပြောဆိုနေထိုင်ကြံစည်
မှုတွေဟာ ကိုယ့် နောက်ကျောကိုယ်လုံဖို့အရေး ကြီးတယ်။ ကျောင်းမှာစာမေးပွဲဖြေတာပဲဖြစ်ဖြစ်
၊ဈေးမှာဈေးဝယ်တာပဲဖြစ်ဖြစ် ကုန်ရောင်း ကုန်ဝယ်လုပ်တာပဲဖြစ်ဖြစ် ဘယ်အလုပ်မဆိုကောင်းမွန်မှန်ကန်ဖို့သိပ်အရေးကြီးတယ်။
မမှန်မကန်ရလိုမှုနဲ့ရလာခြင်းဟာ အလွန်ပူပန်ရတယ်။
စိတ်သောကအမျိုးမျိုးကြုံရတယ်။ လူတစ် ယောက်ရဲ့စိတ်ထားကိုအဲဒီလူရဲ့ ပြောဆိုစကား ပြုမူတဲ့အမူအရာအလုပ်တွေကို
သေချာလေ့လာရင်သိနိုင်တယ် တဲ့။ ဒါကြောင့်အရာရာ ကိုယ့်သိက္ခာကိုယ်လုံအောင် ရိုးရိုးကျင့်
မြင့်မြင့်ကြံ၊ မှန်တာလုပ်၊ ဟုတ်တာပြော စိတ်သ ဘောလည်းချောပါစေညီမလေး။
ကိုယ့်အိမ်မှာတောင်အပြစ်တစ်ခုခုလုပ်မိထားတယ်ဆိုရင်
အဖေကဆိုလေမလား အမေကဆိုလေမလား အစ်ကိုအစ်မတွေက ဆိုလေမလားရယ်လို့ စိတ်မှာတထင့်ထင့်နဲ့နေရထိုင်ရ
စိတ်းကျဉ်းကြပ်မှုတွေဖြစ်ရတယ်မ လား ဘာမဆိုမှန်ကန်ရိုးသားကြိုးစားပြီးသာလုပ်ပါ ။ ကိုယ့်ရဲ့ကြိုးစားမှုအားကောင်းရင်
ထိုက်တန်တဲ့အကျိုး တော့ရမှာပါ။ သူများထက်ကိုယ်က၀ီရိယတစ်လုံးတော့ ဦးဆောင်ရလိမ့်မယ်။
ပုံပြင်လေးတစ်ပုဒ်ဖတ်ဖူးတယ်။ အနောက်တိုင်းပြည်က
မင်းသားတစ်ပါးနဲ့အရှေ့တိုင်းပြည်ကမင်းသား တစ်ပါးဟာ အလယ်တိုင်းပြည်မှာရှိတဲ့ မင်းသမီးချောလေးကို
နေ့စဉ်မနက်လည်းကတည်းက ညနေပိုင်းထိကြာ အောင်အလယ်တိုင်းပြည်ကိုလာရောက်ပိုးပန်းကြတယ်။
ရုပ်အဆင်းကလည်း မင်းသားနှစ်ပါးလုံးတစ်မျိုးစီးချော အသက်ခြင်းကလည်းတူ နေတော့မင်းသမီးလေးအရွေးရခက်နေတယ်။
ပညာအရည်အချင်းစစ်ပြန်တော့တူပြန် ချမ်းသာမှုကလည်းသူမသာကိုယ်မသာ မျိုးဆွေခြင်းယှဉ်ပြန်လည်းထူးမခြားနားအရာရာဂုဏ်အင်္ဂါခြင်းကတူနေ
တဲ့အတွက် ဘယ်သူ့ကိုမှမရွေးနိုင်ဖြစ်နေတယ်။
ဒါပေမယ့် သေချာစီစစ်ကြည့်လိုက်တော့ ပိုးပန်းလာတဲ့နှစ်တူ
ရက်မပျက်တာတူ လာရတဲ့ခရီးဝေးကွာ မှုလည်းတူ အရာရာတူနေပေမယ့် မင်းသမီးလေးရွေးချယ်သင့်သူကိုတွေ့သွားသတဲ့။အရာရာတစ်ခုမှ
ကွာဟမှုမ ရှိပဲ ဘာလို့အားသာသူတွေ့ရလဲဆိုတာညီမလေးစဉ်းစားပြီးဖြေကြည့်စမ်းပါ။
ညီမလေးဘယ်လိုအဖြေထုတ်ထားလည်းတော့မသိဘူး ။
တကယ့်အဖြေမှန်က အနောက်တိုင်းပြည်က မင်းသားလေးကိုရွေးချယ်လိုက်တယ်။ ဘာကြောင့်လဲ သိလား။
အရာရာတူပေသိ မတူညီကွာဟနေတာတစ်ခု က မနက်နေမင်းထွက်ရင်အရှေ့ကထွက်တဲ့အတွက် အနောက်ကလာသူဟာမျက်နှာနေပူလောင်ခံပြီး
လာရ တယ်။အရှေ့တိုင်းပြည်ကမင်းသားကတော့နေကိုကျောပေး အေးဆေးပဲ။ ညနေနေ၀င်တဲ့အခါ နေမင်းကအ
နောက်မှဝင်တာဖြစ်တဲ့အတွက် အနောက်ဘက်တိုင်းပြည်ကလာရသူဟာ နေကိုမျက်နှာမူနေပူလောင်ခံပြန်ရ
ပြန်တယ်။ အရှေ့တိုင်းပြည်မင်းသားကတော့နေကိုကျောပေးအေးဆေးပဲ။
ဒါကြောင့် နေ့စဉ်ရက်စက်မျက်နှာနေပူခံလာခဲ့ရပြန်ခဲ့ရတာတောင်စိတ်မပျက်ပဲ
ပင်ပင်ပန်းပန်းလာပိုး ပန်းတဲ့ မင်းသားလေးကိုပဲရွေးချယ်လိုက်တာပါ။
ကိုယ့်ညီမလေးရေ..မရိုးသားကျောက်ကျစ်တဲ့ အပြုအမူလုပ်ပြီးရယူပိုင်ဆိုင်အောင်လုပ်မဲ့အစား
မှန်ကန် တဲ့လုပ်ရပ်ကိုသာလုံ့လမလျှော့ဇွဲမပျော့ပဲ လုပ်ပါညီမလေး။ အထူးသတိချပ်ရမှာက မင်းသမီးလေးရဲ့ရွေးချယ်မှု
လိုသူများမမြင်တဲ့အရာကို မြင်အောင်ကြည့်ပြီး သူများမလုပ်နိုင်တာကို ရအောင်ကြိုးစားပါ
ဒါဆို ထိုက်တန်တဲ့ ရလဒ်တစ်ခုရလိမ့်မယ်။
ဘယ်အရာမဆို စဉ်းစားဆုံးဖြတ်တဲ့အခါ မင်းသမီးလေးလို
စေ့စပ်အောင်တွေးမြင်ကြည့်ပြီး လုပ်ပါ။ ဒါမှမနစ်နာသင့်သူမနစ်နာပဲ ရသင့်တာကို ရမှာပါ။
ဘ၀မှာ ရိုးသားဖြောင့်မတ်သူဖြစ်အောင်လုပ်ပြီး သောကအပူ အရှုပ် များ မလုံ့မလဲ အိုးမလုံအုံကွဲရတဲ့အဖြစ်မျိုးမှလွတ်မြောက်အောင်လုပ်ဆောင်နိုင်ပါစေညီမလေး။
မှန်မှန်ကန်ကန်ပြုမူပြောဆိုနေထိုင်ခြင်းသည်
မိမိနောက်ကျောကို သာမကဘ၀တစ်ခုလုံးအတွက် သံ ချပ်အိင်္ကျီထက်ပင် အကာအကွယ်ပေးနိုင်သည်။
သံသယဖြင့်ထိတ်လန့်နေရပြီဆိုလျှင် သင်မကောင်းမှုတစ်ခုလုပ်ထားမိပြီ။
ညီမလေးရဲ့ချစ်သော
အစ်ကို
ပီတိ(ပေကြီး)
No comments:
Post a Comment