စိတ်ဓါတ်စာ

စိတ်ဓါတ်စာ

                                                                                                         ပီတိ(ပေကြီး)

         

ညီမလေးရေ…

          လူရယ်လို့ဖြစ်လာရင် နေ့စဉ်ကုသိုလ်၊ပညာ၊ဥစ္စာတစ်ခုခုရနေဖို့အမြဲလုပ်နေရမယ်လို့ ကိုယ်တို့ဘုရား ဟောခဲ့တယ်နော်။

          ညီမလေးလည်းဖြတ်သန်းလာတဲ့နေ့ရက်ပေါင်းများစွာမှာ တစ်ရက်တစ်ရက် ငါဘာတွေလုပ်ခဲ့လဲ။ ကု သိုလ်၊ပညာ၊ဥစ္စာတစ်ခုခုရရဲ့လားဆိုတာသေချာစိစစ်ဖြစ်ရဲ့လား။ တစ်ရက်ကုန်လွန်သွားတိုင်း အဲဒီရက်အတွက် ဘာတွေရခဲ့လည်းဆိုတာသေချာစိစစ်နော်ညီမလေး။

          ဘာမှမလုပ်ဖြစ်သေးရင် တစ်ရက်မကုန်ခင်တစ်ခုခုလုပ်ဖြစ်အောင်လုပ်ပါ။ ဒါကဘ၀ရဲ့တန်ဖိုးတွေမို့ညီမ လေးကို ခဏတိုင်းပြောနေရတာ။ ဟိုအရင်ကလည်း ကုသိုလ်၊ပညာ၊ဥစ္စာရဖို့ အလုပ်လုပ်နေရမယ်ဆိုတာ ကိုယ် ပြောခဲ့ဖူးတယ်နော်။

          ဘ၀ရဲ့တန်ဖိုးကိုသိမှ ဘ၀မှာတန်ဖိုးရှိတဲ့သူဖြစ်လိမ့်မယ်။ အနှစ်အဓိပ္ပါယ်ရှိရှိနေနိုင်ဖို့၊ဘ၀ရဲ့တန်ဖိုးကိုသိ ပြီး အချိန်မဖြုန်းပဲကြိုးစားအလုပ်လုပ်ဖို့လိုတယ်။ အလုပ်တော့ကောင်းကောင်းမလုပ်ချင်ပဲ အိပ်လိုက်၊စားလိုက်၊ ပျော်ပါးလိုက် ၊သွားလိုက်လာလိုက်နဲ့အချိန်တွေကုန်လွန်သွားရင် အဲလိုလူမျိုးကို လူ့တိရစ္ဆာန်၊လူ့ငနွားလို့ခေါ် တယ်။ အိပ်၊ကား၊ကာမ၊ဤသုံးဝ၊မှတ်ကျတိရစ္ဆာန်အကျင့်တဲ့ ။တစ်ရက်ကုန်သွားလို့ ဘာတစ်ခုမှ မလုပ်ဖြစ်ပဲ အိပ်စားပျော်ပါးရင်းကုန်လွန်သွားခဲ့ရင်တော့ ဒီနေ့ငါတိရစ္ဆာန်ဖြစ်နေပြီလို့သာအောက်မေ့လိုက်ပေရော့။

          ညီမလေးရေ..

          လောကထုံးစံ၊လောကဓံကား၊ မကြံလည်းဖြစ်၊ကြံလည်းနစ်၏ဆိုတာ ရှိပေမယ့်လို့ ငှက်ပျံရင်းသေ၊လူကြံ ရင်းသေဆိုသလို မကြံဆလို့တော့မဖြစ်ဘူး။ အမြဲတွေးတော ကြံဆပြီး အကောင်းဆုံးဖြစ်အောင် အလုပ်လုပ်နေ ဖို့လိုအပ်လှတယ်။ လုပ်တဲ့အတိုင်းဖြစ်မလာရင်လည်းစိတ်မညစ်ပါနဲ့၊ဖြစ်ကိုဖြစ်ရမယ်ဆိုတဲ့စိတ်နဲ့ အလုပ်လုပ်ပါ။ လုပ်တိုင်းမဖြစ်၊ စိတ်မညစ်နဲ့၊ ရှေ့ဆက်ပြီးတော့အလုပ်လုပ် ၊အထုပ်ပိုင်ဆိုင်မယ် တဲ့ ဘာမှမရရင်တောင် အလုပ် ရဲ့အနေအထား အသွားအလာအထာတွေသိပြီး ပညာတစ်ခုတော့ရမှာပါ။ အရေးကြီးတာက ဘယ်အလုပ်တိုင်း မဆိုလုပ်ပြီဆို ဇွဲမလျှော့ဖို့လိုအပ်လှတယ် ။

          ဆရာချစ်စံဝင်းရေးတဲ့စာအုပ်ခေါင်းစဉ်တစ်ခုရှိတယ်။ဘယ်တော့မှ…ဘယ်တော့မှ…ဘယ်တော့မှဇွဲမ လျှော့နဲ့တဲ့။ ကိုယ်တို့တွေက ခြေလက်အင်္ဂါအကုန်စုံတယ်။မျက်မမြင် နားမကြားခြေလက်မစုံတဲ့သူတွေတောင် ဘ၀ကိုအရှုံးမပေးပဲကြိုးစားလို့ ကမ္ဘာကျော်တဲ့သူတွေဖြစ်လာကြသေးတာ။ ကိုယ်တို့နိုင်ငံမှာတောင်နားမကြားတဲ့ မန္တလေးမြို့ ချမ်းမြသာစည်မြို့နယ်က မနေရည်လင်း ဟာ ၂၀၁၁-၂၀၁၂ ပညာသင်နှစ်မှာ ဆယ်တန်းစာမေးပွဲ ကိုအောင်မြင်ခဲ့တယ်။ သူဟာ မွေးရာပါနားမကြားသူဖြစ်ပြီး ငယ်ကတည်းက စိတ်နဲ့မှတ်သားပြီး ဖြေဆိုခဲ့ရတာ။ သူ့လိုပဲ နားမကြားပေမယ့် ဂုဏ်ထူးနဲ့အောင်တဲ့သူတွေလည်းရှိတယ် ၊နိုင်ငံခြားပညာသင်ဆုရသူတွေလည်းရှိ တယ်။

          တလောက ဆရာတော်တွေသင်ကြားပို့ချတဲ့ စိတ်ဓါတ်မြင့်တင်ရေးသင်တန်းက ပီတိဇာတ်လမ်း ခွေထဲ မှာတကယ်ဖြစ်ရပ်မှန် ခြေမပါလက်မပါတဲ့ လူတစ်ယောက်က ဘယ်သူ့ကိုမှအားမကိုးပဲ ဘ၀ကို ကြံ့ကြံ့ခိုင်ခိုင် ကြိုးစားနေတဲ့ပုံရိပ်တွေကို ရိုက်ပြထားလို့ ကြည့်လိုက်ရတယ်။ တကယ့်ဖြစ်ရပ်မှန်တွေရိုက်ပြထားတာ။

          သူ့မှာခြေမပါလက်မပါပေမယ့် သူများအကူမယူပဲ ကိုယ်တိုင်အ၀တ်အစားလှယ်တယ်။ ကိုယ်တိုင်သွား တိုက်တယ်။ ကိုယ်တိုင်ကားမောင်းတယ်။ကိုယ်တိုင်ထမင်းစားတယ်။ သူ့ရဲ့ဝေယျာဝစ္စမှန်သမျှ သူ့နည်းသူ့ဟန် အထောက်အကူပစ္စည်းတွေနဲ့ရအောင်ဖြေရှင်းတယ်။အိပ်ရာပေါ်တက်တာကအစဘယ်သူ့အကူအညီမှသူမယူ ဘူး။ခြေလက်တွေမပါပေမယ့်ခေါင်းတွေကိုယ်တွေပါတယ်။ သွား၊လည်ပင်း၊ဂုတ်တွေနဲ့ရအောင်လုပ်တယ်။သူ့ရဲ့ လုပ်နိုင်စွမ်းရည်တွေကိုစင်မြင့်ပေါ်မှာတက်လုပ်ပြရင်းသူဟာကမ္ဘာကျော်သူတစ်ယောက်ဖြစ်လာခဲ့တယ်။

          နောက်တစ်ယောက်ကတော့အမျိုးသမီးတစ်ဦး။ ဒါလည်းဖြစ်ရပ်မှန်ပါပဲ။အဲဒီအမျိုးသမီးမှာ လက်နှစ် ဘက်မပါဘူး။ဒါပေမယ့်သူ့အတွက်ကူပေးရသူမလိုတဲ့အပြင်အမျိုးသမီးတစ်ယောက်လုပ်ရမယ့်ဝတ္တရားမှန်သမျှ အိမ်မှုကိစ္စလုပ်ငန်းတွေကိုသူတစ်ယောက်ထဲနိုင်အောင်လုပ်တယ်။

          အိမ်မှာရှိတဲ့အခြာသူတွေကအပြင်ထွက်အလုပ်လုပ်တယ်။ သူကတော့အိမ်မှာနေခဲ့ပြီးပြီးအိမ်လုပ်ငန်း တွေလုပ်တယ်။ခြေထောက်၊ကိုယ်ခန္ဓာဦးခေါင်းတွေနဲ့အရာရာလုပ်နိုင်အောင်လေ့ကျင့်ထားတယ်။ ငါးဖမ်းတယ်၊ပု ဇွန်ကောက်တယ်။ထမင်းဟင်းအကုန်ချက်တယ်။ ပန်းကန်တွေဆေးတယ်။အ၀တ်လျှော်တယ်။အိမ်သန့်ရှင်းရေး လုပ်တယ်။ အပ်ချည်မှည်နဲ့အပ်ရအောင်ထိုးတယ်။အပ်ချုပ်တယ်။စာရေးတယ် ၊ဒါတွေအားလုံးခြေထောက်နဲ့ပါး စပ်ကိုအဓိကထားလေ့ကျင့်ပြီးသူလုပ်တယ်။

          တကယ်အားကျဖို့ကောင်းတယ်ညီမလေး။ အဓိကစိတ်ဓါတ်ကြံ့ခိုင်တာပါပဲ။ခြေလက်အင်္ဂါစုံတဲ့သူတွေမ လုပ်နိုင်တဲ့ သူရအောင်လုပ်ပြတယ်။ ဘ၀ကိုအရှုံးမပေးသလို ကိုယ်ဟာသူတစ်ပါးရဲ့ဝန်ထုတ်ဝန်ပိုးအဖြစ်မခံဘူး ညီမလေး။ ခြေလက်မပါလို့ သူများတွေအောက်ကြို့ပြီးဘယ်လိုရအောင်တောင်းစားရမလဲဆိုတဲ့အစား ငါဘယ် လိုအလုပ်မျိုးတွေကိုလုပ်နိုင်မလဲဆိုတာကိုစဉ်းစားတတ်တဲ့သတ္တိစိတ်တွေသူ့မှာရှိတယ်။

          ကိုယ်တို့လည်းဒီလိုမျိုးစိတ်ဓါတ်တွေမွေးသင့်တယ်။တစ်ခုရှိတာက ကိုယ့်ပတ်ဝန်းကျင်ကောင်းဖို့တော့ လိုတာပေါ့။ ခြေလက်အင်္ဂါမစုံတဲ့သူတွေဆိုရင် နှာခေါင်းရှုံ့တန်းတူမဆက်ဆံချင်ပဲပစ်ပယ်မထားပဲ။ရင်းနှီးဖေးမ ကူညီလိုစိတ်နဲ့တန်းတူအခွင့်အရေးပေးသင့်ဖို့လိုအပ်တယ်။

          အစောကအမျိုးသမီးဆိုရင် သူ့မိသားစုတွေကသူ့အပေါ်မှာ သာမန်မိသားစုဝင်တစ်ယောက်လို တန်း တူအခွင့်ရေးတွေပေးထားတယ်။ သူဟာခြေထောက်နဲ့ဆန်ဆေးတယ်။အသီးအရွက်အသားငါးတွေကိုင်တယ်။ ချက်ပြုတ်တယ်။ ထမင်းခူးတယ်၊မိသားစုနဲ့တစ်ဝိုင်းထဲထမင်းစားတယ်။ သူကခြေထောက်နဲ့ဇွန်းခရင်းကိုင်ပြီးစား တယ်။မိသားစုဝင်တွေကိုချစ်ခင်စွာသူ့ခြေထောက်နဲ့ဟင်းတွေကော်ပြီးသူတို့ထမင်းပုဂံထဲထည့်ပေးတယ်။ ဟင်း ရည်တွေခပ်တိုက်တယ်။ သာမန်အားဖြင့်ကြည့်မယ်ဆိုရင် ခြေထောက်နဲ့လုပ်တာတွေ ထမင်းဝိုင်းမှာခြေ ထောက်ကြီးနဲ့ ဟင်းပုဂံတွေပေါ်ဝဲနေတာတွေကြည့်ရင်ဘယ်သူမှစားချင်စိတ်ရှိမှာမဟုတ်ဘူး။ဒါပေမယ့်သူ့မိသား စုဝင်တွေကတော့ ထမင်းဝိုင်းတစ်ခုလုံးခြေထောက်နဲ့အစအဆုံးလုပ်ကိုင်ပြီး ခြေထောက်နဲ့ခပ်တိုက်တဲ့ဟင်းရည် တောင်မရွံမရှာပြုံးပြုံးပျော်ပျော်တန်းတူအခွင့်အရေးပေးဆက်ဆံကြတယ်။သူ့ရဲ့အပြုမူတွေပေါ်မှာမနှစ်လိုတဲ့အ မူအရာမပြကြသလို သူကိုယ်တိုင်ကလည်းခြေထောက်နဲ့လုပ်တယ်ဆိုပေမယ့် သန့်သန့်ပြန့်ပြန့်ပဲနေလေ့ရှိ တယ်။

          ကိုယ်ဖြင့်လေ အဲဒါတွေကြည့်ပြီးတကယ်ပီတိဖြစ်မိတယ်။မျက်ရည်တောင်ကျတယ်။ပြီးတော့စိတ်ဓါတ် ခွန်အားတွေများစွာရတယ်။သူတောင်ဒီလိုလုပ်နိုင်သေးတာ ငါတို့လိုလူတွေကဘာလို့မလုပ်နိုင်ရမလဲ၊ဘ၀ကို ဘာ့ကြောင့်လွယ်လွယ်အရှုံးပေးရမလဲလို့ခံယူထားလိုက်မိတယ်။

          ကိုယ်တို့မြန်မာတွေက စိတ်ဓါတ်ခွန်အားအရမ်းအားနည်းကြတယ်။ ချမ်းသာသူနဲ့တွေ့ရင်ဆင်းရဲသူ တွေကသိမ်ငယ်ကြတယ်။ မြို့ကလူတွေနဲ့တွေ့ရင်ရွာကလူတွေက သိမ်ငယ်ကြတယ်။ ရာထူးရှိသူအာဏာရှိသူ နဲ့တွေ့ရင် သာမန်အရပ်သားတွေက ကြောက်လန့်သိမ်ငယ်တတ်ကြတယ်။

          လူလူချင်းပဲညီမလေးဘာသိမ်ငယ်စရာရှိလဲ၊ကိုယ်လည်းကြိုးစားမယ်ဆိုရင်တစ်ချိန်ချိန်မှာ သူ့လိုချမ်း သာအာဏာတွေရလာနိုင်သလို သူကမကြိုးစားရင်လည်းတစ်ချိန်ချိန်မှာကိုယ့်လိုသူလည်းဆင်းရဲနိုင်တာပဲမ ဟုတ်လား။ ဒါကြောင့်ဘ၀မှာသိမ်ငယ်တတ်တဲ့စိတ်တွေကိုဖျောက်ပြီး ဖြစ်ပါ့မလားလို့မတွေးပါနဲ့ညီမလေး ။ဖြစ် ကိုဖြစ်ရမယ်ဆိုပြီးကြိုးစားလုပ်ပါ။

          ဟိတောပဒေသအဆုံးအမလေးတစ်ခုရှိတယ်။ မရှိဆင်းရဲသောကြောင့် ရှက်ရွံ့ခြင်းဖြစ်တယ်။ ရှက်ရွံ့ ခြင်းကြောင့်အစွမ်းသတ္တိလျှော့ကျတယ်။အစွမ်းသတ္တိလျှော့လျှင် သူတစ်ပါးနှိပ်စက်ခံရတယ်။သူတစ်ပါးနှိပ်စက်ခံ ရရင် ဆင်းရဲဒုက္ခတွေ့နေရတော့တာပါပဲတဲ့။ အဲတော့ သိမ်ငယ်တဲ့စိတ်ကိုဖျောက်နိုင်မှ ဆင်းရဲတွင်းကလွတ်လိမ့် မယ်ညီမလေး။

          အောင်မြင်ကြီးပွားချင်ရင်ပျင်းလို့မရဘူး။စိတ်ဓါတ်ကိုမြှင့်ပြီး အားတိုက်အင်တိုက်အလုပ်လုပ်ခါအချိန် တွေကိုပေးဆပ်ရလိမ့်မယ်။ကိုယ်တို့နိုင်ငံကမိမရှိ ဖမရှိနေတိုင်စရာမရှိတဲ့အချို့လူငယ်လေးတွေ ဘ၀ကိုအရှုံးပေး နေကြတယ်။ဂျလေဘီလုပ်တယ်၊ဆိုးတယ်၊မိုက်တယ်၊တောင်းစားကြတယ်။အဲဒီလိုမဖြစ်သင့်ဘူး။ကိုယ့်မှာမိဘမဲ့ ခိုးကိုးရာမရှိပေမယ့် ခြေတွေလက်တွေအာင်းအင်တွေရှိတယ်။ငါဘာလုပ်နိုင်မလဲ ဘယ်အလုပ်မျိုးတော့လုပ်လို့ ရမလဲဆိုပြီးရရာအလုပ်ကိုဝင်ကြိုးစားလုပ်စမ်းပါ၊ ဘ၀ကိုကြံ့ကြံ့ခိုင်ခိုင်ထားကြစမ်းပါ။မျက်နှာငယ်နဲ့သူများ ဆီက မသဒ္ဓါရည်တောင်းစားမယ့်အစား ကိုယ်တိုင်ကြိုးစားလုပ်လို့ရလာတာကို ဖြစ်သလိုစားတာက မြင့်မြတ်တဲ့လုပ် ရပ်တစ်ခုပါ။

          ခြေပြတ်၊လက်ပြတ်၊ မျက်မမြင်ရုံ၊နားမကြားရုံတစ်ခုခုဖြစ်ပြီဆိုတာနဲ့ ခွက်လက်စွဲပြီးတောင်းစားဖို့ကြံမ နေသင့်ဘူး။စိတ်ဓါတ်အရမ်းပျော့ညံ့ရာကျတယ်။ ခြေမရှိရင်လက်ရှိတယ်၊ လက်မရှိရင်ခြေရှိတယ် ရှိတာနဲ့ဖြစ် အောင်လုပ်မယ်ရယ်လို့ပြင်းထန်စွာလေ့ကျင့်ပြုလုပ်ရင် ဘာမဆို  ဖြစ်နိုင်ပါတယ်။ခြေလက်အင်္ဂါမစုံပေမယ့် ကမ္ဘာ ကျော်ဖြစ်လာနိုင်ပါတယ်။

          တစ်ခုရှိတာကအစောကပြောသလိုပတ်ဝန်းကျင်ကောင်းဖို့တော့ လိုတာပေါ့။ကိုယ့်ပတ်ဝန်းကျင်ကလူ တွေကနိမ့်ရာလှံစိုက်ပြီးအရေးတယူမလုပ်ရင်တော့ အောင်မြင်ဖို့ခဲယဉ်းတာပေါ့။ဒါပေမယ့် ဘယ်တော့မှ..ဘယ် တော့မှ…ဘယ်တော့မှဇွဲမလျှော့ပါနဲ့ လုပ်သင့်တာလုပ်ရင် ဖြစ်သင့်တာတော့ဖြစ်လာမှာပါ။

          ဘာပဲဖြစ်ဖြစ် စိတ်မညစ်နဲ့

          တောင်တွေးမြောက်တွေး စိတ်မလေးနဲ့

          တောင်ရောက်မြောက်ရောက် စိတ်မဖောက်နဲ့

          တောင်ကြံမြောက်ကြံ မပူပန်နဲ့

          လူမှန်သမျှ ထိုက်တန်တဲ့အကျိုးကို ရမည်သာ…တဲ့ညီမလေး။       

          ကိုယ်လုပ်တဲ့အလုပ်က မှန်ကန်ဖို့နည်းလမ်းကျဖို့တော့လို လိမ့်မယ်။

          ညီမလေးရေ..ပြောတာတွေများနေပြီ နောက်မှားမှဆက်ပြောပြတာပေါ့။ ခုပြောခဲ့တာလေးတွေကို သေချာစဉ်းစားပြီး စိတ်ဓါတ်ခွန်အားတွေ မွေးပေးပါညီမလေး။         

          နေ့စဉ်အကျိုးရှိမဲ့အလုပ်တစ်ခုကို လုပ်ဖြစ်အောင်လုပ်ပါ၊ခြေလက်အင်္ဂါမစုံတဲ့သူတွေတောာင်လုပ်နိုင်တာ ငါကဘာလို့မလုပ်နိုင်ရမလဲဆိုတဲ့စိတ်ကိုမွေးမြူပါ။ အကယ်၍ကိုယ့်မှာ ခြေလက်တွေမရှိခဲ့ရင်တောင် ဘ၀ကိုအ ရှုံးမပေးပဲ ခြေမရှိလက်ရှိတယ်။ လက်မရှိခြေရှိတယ်။ခြေလက်နှစ်ခုလုံးမရှိရင် ခန္ဓာကိုယ်နဲ့ဦးခေါင်းတွေရှိတယ်။ ရှိတာနဲ့ရအောင်လုပ်မယ် ။ ငါသည်အများအတွက်ဝန်ထုန်ဝန်ပိုးမဖြစ်စေရ ၊ငါ့အတွက်မမြဲဂရုစိုက်ကြည့်ရှု့နေရ တဲ့သူမရှိစေရ ငါကသာလျှင်အများကိုအကြိုးပြုနိုင်သူဖြစ်စေရမယ်ဆိုတဲ့ စိတ်နဲ့အလုပ်လုပ်ပါညီမလေး။ကိုယ် လည်းဒီလိုပဲခံယူထားတယ်။

        မိုးရွာရင်ဘာလုပ်ရမလဲတွေးနေမယ့်အစား မိုးလုံအောင်ဘယ်လိုလုပ်ထားရမလဲစဉ်းစားပါ။

                   ကိုချစ်တဲ့ညီမလေး  ပုံ့   ဘ၀တိုက်ပွဲအနိုင်နွှဲနိုင်ပါစေ။

                                                 ချစ်ရတဲ့   ကို

                                                             ပီတိ(ပေကြီး)3.7.2013