အိမ်သာ

          ညီမလေးရေ…

          တလောက မိုးတွင်းကာလတစ်ခုမှာမြို့ထဲအလုပ်ုနဲ့သွားရင်းရပ်ကွက်လေးတစ်ခုကို ရောက်ခဲ့တယ်။ မိုးတွေကစိုနေတော့ ရွှံ့ညွှန်ထဲမှာယင်ကောင် တွေက တစ်ရုန်းရုန်းဖြစ်နေတယ်။

          လမ်းကျဉ်းလေးပေါ်မှာ ရွံ့ညွှန်တွေကွင်းရှောင်နေရတဲ့အထဲ ရပ်ကွက်ရှိ ကလေးသူငယ်တွေက လမ်း ပေါ်တက်ပြီး ကျင်ကြီးတွေ သွားနေကြပြန်ရာ ကျီးကန်းအိုးမဲသုတ်ထားသလို ရပ်ကွက်အလယ်ကလမ်းကလေး ဟာပိုပြီး ညစ်ပတ်စုတ်ပြတ်အရုပ်ဆိုးလို့နေတော့တယ်။

          လမ်းပေါ်မှာလျှောက်သွားသူမှန်သမျှ နှာခေါင်းရှုံ့ရှုံ့သွားကြတယ်။ အဲဒီအဖြစ်အပျက်လေးကိုမြင်လိုက် ရတဲ့အခါ
ကိုစဉ်းစားမိလိုက်တာလေးတွေရှိတယ်။ တစ်ခုက ဒီလမ်းဘာလို့ ရွံ့ညွှန်ထွေထနေရတာလဲဆိုတာပေါ့ ။ဗွက်ထတယ် ဆိုမှတော့ ကွန်ကရစ်လမ်း ကတ္တရာလမ်းမဟုတ်လို့ပေါ့။ ဒီလိုကောင်းတဲ့လမ်းဖြစ်ဖို့ ဆိုတာတစ် ဦးတစ်ယောက်ချင်းစီအနေနဲ့ပြုလုပ်ဖို့ခဲယဉ်းသလို ရပ်ကွက်အုပ်ချုပ်ရေးမှူးမြို့တော်စည်ပင်တွေနဲ့သက်ဆိုင် နေတာမို့ထားလိုက်တော့။

          နောက်တစ်ခုဖြစ်တဲ့ ကလေးတွေဘာလို့လမ်းပေါ်အပေါ့အလေးသွားကြတာလဲ ဆိုတာ။ ဟုတ်တယ် ဒါကတော့လူတစ်ဦးတစ်ယောက်ချင်းစီနဲ့တိုက်ရိုက်ဆက်သွယ်နေတယ်။ ကလေးတွေလမ်းပေါ် အပေါ့အလေး သွားကြတာဟာ အဖြေမှန်ရှာကြည့်တော့ အိမ်တိုင်းမှာအိမ်သာမရှိလို့ပဲပေါ့။ ဒါဆိုရင် အိမ်သာနဲ့ဆက်စပ်အချက် အလက်တွေ အိမ်သာဟာ ဘယ်လောက်ထိအရေးပါသလဲဆိုတာတွေ အိမ်တိုင်းမှာဘာလို့အိမ်သာလိုအပ်တယ် ဆိုတာတွေကို လူတိုင်းသိဖို့အရေးကြီးတယ်။ ဒါကြောင့်မို့ နောင်တစ်ချိန်မှာအိမ်ထောင်တစ်ခုရဲ့ အရေးပါအရာ ရောက်သူအိမ်ထောင်ရှင်မ တစ်ဦးဖြစ်လာမယ့် ကိုယ့်ညီမလေးကို အိမ်သာရဲ့အကြောင်းလေးပြောပြပေးချင် တယ်။

          ဦးစွာအိမ်သာဆိုတဲ့ နာမည်လေးက စပြောပြမယ်နော်။ အိမ်သာဆိုတာ မြန်မာမှုနယ်ပယ် မြန်မာစကား ဖြစ်တယ်။ ကိုဒီနာမည်နဲ့ပတ်သက်ပြီးစဉ်းစားနေမိတာလေးရှိတယ်။ လူတကာအညစ်အကြေးတွေ သွားပြီးစွန့် ပစ်ရာအပုပ်တွေကိုလောင်းထည့်ရာ အထဲရောက်တာနဲ့ တံထွေးခဏတိုင်း ထွေးလောက်အောင်ရွံစရာကောင်း တဲ့နေရာကို ဘာလို့များအိမ်သာလို့ နာမည်ပေးရသလဲလို့။ တကယ်တမ်းကျ ဒါဟာ အပေါ်ယံပိုင်းလေးတွေး လိုက်မိတာပါ။ သေသေချာချာ ပြန်စဉ်းစားကြည့်လိုက်မှ အော်ဟုတ်လိုက်တာ အိမ်သာရှိမှ အိမ်ဟာ သာသာယာယာရှိမှာကို။

          အစောက ကိုရောက်ခဲ့တဲ့ရပ်ကွက်လေးလို အိမ်တိုင်းမှာအိမ်သာမရှိတော့ လမ်းပေါ်မှာဘယ်သာသာ ယာယာရှိတော့မလဲ အိမ်သာမရှိတဲ့အိမ်တွေမှာလည်း ဘယ်မှာသာယာနိုင်မလဲ။ ကလေးတွေကတွေ့ကရာနေ ရာတွေမှာအညစ်အကြေးတွေစွန့်မယ် စွန့်တဲ့အညစ်အကြေးတွေက တမ်းပျောက်သွားတာမဟုတ်တော့ နေ့စဉ် စွန့်ထားတဲ့နေရာရောက်သွားသူတိုင်း နှာခေါင်းရှုံ့ ရွံရှာဖွယ်တွေဖြစ်ကြရတယ်။ တစ်ရပ်ကွက်လုံးမှာ အိမ်သာ မရှိရင် တစ်ရပ်ကွက်လုံး ညစ်ပတ်နေမယ်။ တစ်မြို့လုံးမှာ မရှိရင် တစ်နိုင်ငံလုံးမှာမရှိရင် …ဟုတ်တယ်ဒါကြောင့် သန့်သန့်ရှင်းရှင်းသာသာ ယာယာရှိဖို့ အိမ်သာဆိုတာရှိသင့်တယ်။

          ဒါမှသာ ဧည့်လာလည်းမျက်နှာပန်းလှ ကိုယ့်မိသားစုဘ၀လည်းသန့်ရှင်းလှပမှာဖြစ်ပါတယ်။ အိမ်တစ် အိမ်ကိုရောက်ပြီဆိုတာနဲ့ အဲဒီအိမ်ရဲ့ ဘုရားခန်းနဲ့ အိမ်သာနှစ်ခုကိုကြည့်ရင် အိမ်ရှင်ရဲ့နေထိုင်မှုစရိုက်ကို သိစေနိုင်ပါတယ်တဲ့။

          ဘုရားခန်းကိုကြည့်လိုက်လို့ အမှိုက်တွေရှုပ်ပွနေမယ်၊ ပန်းတွေအမြဲညိုးခြောက်နေမယ်၊ဘုရားစင်မှာ တွေ့ကရာချိတ်ဆွဲထားမယ်ဆိုရင် ဒီအိမ်ကလူတွေ ဘာသာတရားလိုက်စားမှုအားနည်းသလို အကြောင်းအရာ တစ်ခုကို ဖြစ်ကတက်ဆန်းလုပ်ကိုင်လေ့ရှိတယ်။ နမော်နမဲ့နိုင်တယ်။ ကိုယ်ကျင့်တရားဖောက်ပြန်လေ့ရှိတယ် အသိတရားအားနည်းတယ်။

          အိမ်သာကိုကြည့်လိုက်လို့ အကာအရံတွေပေါက်ပြဲနေမယ်။ အိမ်သာအတွင်း ရှုပ်ပွနေမယ်။အညစ်အ ကြေးပြောင်စင်အောင်ဆေးမထားဘူး။ ရေအိုးနဲ့ရေခွက်မှာ အညှိတက်ပြီး ပိုးလောက်လန်းတွေ အမြဲရှိနေရင် ဒီအိမ်ကလူတွေ ဘယ်လောက်ချမ်းသာချမ်းသာ သူတို့ကိုသူတို့ဘယ်လောက်ပဲသန့်ရှင်းအောင်နေနေ ကျန်း မာရေးလိုက်စားမှုနည်းပါးသူဖြစ်တယ်။အိမ်မှုကိစ္စမနိုင်တဲ့မိသားစုဖြစ်တယ်။ လူမှုရေးအားနည်းတဲ့မိသားစုဖြစ် တယ်။စာနာစိတ်နည်းတဲ့မိသားစုဖြစ်တယ်။ အပေါ်ယံမွှေးပြီးအတွင်းပုပ်တဲ့ သစ်သီးမိသားစုဖြစ်တယ်။ အမှတ် ဉာဏ်နည်းပြီး ကွမ်းယာလိုဝါးပြီးထွေးပစ် စားပြီးနားမလည်တဲ့မိသားစုမျိုးဖြစ်တယ်။စည်းကမ်းအလွန်တရာနည်း ပြီး လူနေမှုဘ၀နိမ့်ကျတဲ့မိသားစုဖြစ်တယ်။

          ညီမလေးရေ …ခုပြောခဲ့တာတွေမယုံရင် ဘုရားစင်နဲ့အိမ်သာကိုကြည့်ပြီး ညီမလေးတွေ့ကြုံနေရတဲ့ လူ့အသိုင်းအ၀ိုင်းရဲ့ စိတ်နေ စိတ်ထား နေထိုင်မှုစရိုက်လက္ခဏာတွေကို ကိုယ်တိုင်လေ့လာဆန်းစစ်ကြည့်ပါ။

          အိမ်သာဟာ အိမ်ကိုသာယာစေတတ်တယ်လို့ ကိုပြောခဲ့ပြီးပြီ အပြင်ပန်းကကြည့်ရင် သာသာယာယာ ရှိသလို အဲဒီအိမ်မှာရှိတဲ့မိသားစုများရဲ့ ကိုယ်တွင်းဖြစ်တဲ့ကျန်းမာရေးအတွက်ပါ ဆိုးကျိုးတွေ မဖြစ်အောင်ကာ ကွယ်ပြီးသားဖြစ်သွားတယ်။ ကျန်းမာရေးချို့ယွန်းမှုကင်းခါ သာယာစေတတ်တယ်။

          အိမ်သာကို အင်္ဂလိပ်လို Toilet သန့်စင်ခန်းလို့ခေါ်တယ်။ အညစ်အကြေးများကိုသန့်စင်ရာနေရာပေါ့။ ဒါကို တစ်ချို့က Latrine လို့သုံးနှုန်းကြတယ်။ Latrine ဆိုတာ ကျင်းခွက်လို့အဓိပ္ပါယ်ရလို့ နိုင်ငံခြားအခေါ်အ ဝေါ်အနေနဲ့ဆို ရှိုင်းစိုင်းတဲ့အသုံးအနှုန်းဖြစ်တယ်လို့ဆိုတယ်။

          အိမ်တစ်အိမ်မှာ သန့်စင်ခန်းအိမ်သာတစ်ခုပြုလုပ်မယ်ဆိုရင် ကျန်းမာရေးနဲ့ ညီညွတ်စေအောင်ပြုလုပ် ဖို့အင်မတန်အရေးကြီးတယ်။ ကျန်းမာရေးနဲ့ညီညွတ်စေနိုင်အောင်လုပ်လုပ်ရမဲ့အချက်တွေက များလွန်းနေတာ ကြောင့် ဒီနေရာမှာ အဓိကကျတဲ့ အချက်တွေကိုပြောပေးချင်တယ်။

          သန့်စင်ခန်းတစ်ခုရဲ့အရေးကြီးတဲ့ အင်္ဂါရပ်တစ်ခုဟာ ၁။ ယင်လုံ ၂။အရှက်လုံ၊ ၃။အနံ့လုံရမယ်။ ဘာကြောင့်ဒီလိုလုံရတယ် ဆိုတာ အထူးရှင်းပြနေဖို့မလိုတော့ပါဘူး။ အိမ်သာခန်းအတွင်းသန့်ရှင်းဖို့ လိုသလို သုံးရေဟာလည်း အလွန်ကိုသန့်ရှင်းဖို့လိုပါတယ်။

          အဓိကအိမ်သာတက်ပြီးတိုင်းလက်ကိုဆပ်ပြာနဲ့သေချာသန့်စင်အောင်ဆေးကြောဖို့ အရေးကြီးပါတယ် ၊အိမ်သာက အင်္ဂါရပ်တွေနဲ့ညီနေပြီး အိမ်သာသုံးသူရဲ့လက်ကစင်ကြယ်အောင်မဆေးပြန်ရင်လည်း ရောဂါဘယ များစွာရတတ်ပါတယ်။ အိမ်သာမှတစ်ဆင့်ရနိုင်တဲ့ရောဂါတွေက ၀မ်းလျှော၊ ၀မ်းပျက်၊ ကာလ၀မ်း၊အူရောင်ငန်း ဖျားအသည်းရောင်၊ ပိုလီယိုအကြောသေ၊ သံကောင်ကျခြင်းနဲ့ အူလမ်းကြောင်းနဲ့ဆိုင်ရာ ရောဂါတွေဖြစ်တတ်ပါ တယ်။

          သတိထားရမယ့်ရောဂါဖြစ်ပွားတတ်ပုံတွေက မစင်ကနေရေကိုကိုင်မယ် နေကနေအစာစားတဲ့အခါ ရောဂါတွေဖြစ်စေတယ်။ မစင် -ရေ- လက်-ယင်-မြေ-အစား ဘယ်လိုဖြစ်ဖြစ်အဆင့်ဆင့်လက်ကနေကူးတတ်လို့ လက်ကိုစင်ကြယ်အောင်မဆေးရင်အစောက ပြောတဲ့ရောဂါတွေရနိုင်တယ်။ ဒါကြောင့်မြေကြီးကိုကိုင်ထားတဲ့ လက် လက်သည်းကြားမှာ အညစ်အကြေးကပ်နေတဲ့လက်တွေနဲ့လည်းအစာစားဖို့မသင့်မြတ်ဘူးညီမလေး။

          ဒီတော့ ရောဂါတွေမဖြစ်စေဘဲ ကျန်းမာမှု သာသာယာယာဖြစ်အောင် အိမ်သာတက်ပြီးတိုင်း လက်ကို စင်ကြယ်အောင် ဆေးကြောသင့်တယ်။ အစားစားခါနီးတိုင်းမှာလည်း ဆေးကြောသန့်စင်ရမယ်။

          လက်ဆေးတဲ့အခါ ရေနဲ့ထိပြီး လက်စိုရုံဆေးလို့မရပါဘူး ၊လက်စိုရုံဆေးကြောခြင်းဟာ ကပ်နေတဲ့ရော ဂါပိုးမွှားလေးများကို အစိုဓါတ်နဲ့ကြွလာအောင်စွပေးလိုက်သလိုဖြစ်လို့ ပိုဆိုးဝါးစေပါတယ်။ ဒါကြောင့် လက်စင် ကြယ်အောင်ဆေးကြောနည်းလေးကိုပါ ပြောပြပေးမယ်နော်။

          လင်္ကာလေးနဲ့သေချာ ကျက်မှတ်ထားစေချင်တယ်။

          ဖ၀ါး ဖမိုး၊ လက်ခေါက်ချိုး၊ လက်ကြားလက်မ မကျန်စေရ၊ကုတ်၍ခြစ်ပါ လက္ခဏာ၊ လက်ကောက်ဝတ် မှာအဆုံးသတ်ပါတဲ့။

လက်ဆေးကြောတဲ့အခါ သန့်စင်စေဖို့ ဆပ်ပြာနဲ့ လက်ဖ၀ါး၊လက်ဖမိုး လက်ကိုဆုတ်လိုက်လို့ပေါ်လာတဲ့ လက်ဆစ်ချိုးလေးတွေ၊လက်တစ်ချောင်းနဲ့တစ်ချောင်းကြားနေရာတွေ၊ အရေးကြီးတာက လက်ဖ၀ါးပေါ်က လက္ခဏာစင်းကြောင်းလေးတွေသေချာဆေးဖို့လိုပါတယ်။ဘယ်အထိဆေးရမလဲဆိုရင် လက်ကောက်ဝတ်နေ ရာထိဆေးပေးပါတဲ့။ ဒီလက်ဆေးလင်္ကာလေးက ကျန်းမာရေးမှူးဖြစ်တဲ့ကိုယ့်ရဲ့ညီလေးအောင်သူဆီက ရလာ တာပါ။

          ကဲဒီတော့ကို့ညီမလေး အိမ်ကိုသာယာအောင်လုပ်ဆောင်နိုင်ပါစေလို့ပြောရင်းဒီတစ်ပတ်တော်ရ အောင်။

 အိမ်ကိုသာယာအောင်ပြုတတ်သောကြောင့် အိမ်သာ

သူ၏အိမ်သာသည် သူ၏စရိုက်ပင်ဖြစ်သည်။

                                                      ညီမလေးကိုသိပ်ချစ်မြတ်နိုးတဲ့

                                                                             အစ်ကို ပီတိ(ပေကြီး)

25.3.2014