ထမင်းတစ်လုံးရဲ့တန်ဖိုး
ထမင်းစားရင်းဝင်လာတဲ့အတွေးတစ်ခု။
ထမင်းလုံးလေးတစ်လုံးစားပြီးသားပန်းကန်ထဲကြွင်းကျန်နေတာကိုကြည့်ပြီးဝင်လာတဲ့အတွေးလေးပါ။
ပထမဆုံးဝင်လာတဲ့အတွေးက ထမင်းလုံးပေါင်းများရင်တစ်ပန်းကန်စာရတယ်။
တစ်လုံးခြင်းယူပြစ်ရင်လည်း
ကြာတော့တစ်ပန်းကန်ပြားစာမကများစွာသောထမင်းတွေအလကားဖြစ်စေတယ်။
လူတိုင်းထမင်းရင် ထမင်းလုံး
လေးတစ်လုံး အနည်းဆုံးတော့ကြွင်းကျန်ကြတာပါပဲ။ ဒီထက်ထည့်ထားတာမကုန်လို့သုံးလေးငါးလုပ်စာလောက် သွန်ပစ်တဲ့ထမင်းတွေကလည်းနေ့စဉ်ရှိနေတယ်ဆိုတဲ့အတွေး။
လက်ရှိမြန်မာနိုင်ငံမှာလူပေါင်းသန်း(၆၀)၀န်းကျင်ရှိတယ်ပဲထား၊
လူတစ်ယောက်ကိုတစ်ရက်ထမင်းနှစ်
ကြိမ်သို့ဟုတ်သုံးကြိမ်စားတယ်။တစ်ခါထမင်းစား
တစ်လုံးကြွင်းရင်တစ်ရက်မှာထမင်းလုံးသန်းပေါင်း(၁၈၀)အန
နည်းဆုံးအလဟဿဖြစ်တယ်။ဒါထမင်းတစ်လုံးပဲတွက်ထားတာ တကယ်တမ်းကြွင်းကျန်တာ
တစ်လုံးမကဘူးဆယ်လုံးလောက်ထိတော့ကြွင်းကျန်တယ်။ ဒိလိုတွက်ရင်တစ်ရက်မှာ
ထမင်းလုံးသန်းပေါင်း(၁၈၀၀)လောက်ဆုံးရှုံးရတယ်။တစ်နှစ်လုံးအတွက် တွက်ရင်ထမင်းလုံးသန်းပေါင်း
(၆၅၇၀၀၀)ဆုံးရှုံးရတယ်။တင်းပေါင်းများစွာပျက်စီးဆုံးရှုံးရတာနှမျှောစရာ။
တစ်ယောက်မှတစ်လုံးတလေကြွင်းကျန်တာပဲ ဘာနှမျှောစရာရှိရှိလဲ
လို့တွေးကောင်းတွေးကြလိမ့်မယ်အောက်ခြေကမှစုမပေါင်းခဲ့ရင် တစ်တင်းမဖြစ်နိုင်ဘူး လေ။
ဟိုးငယ်ငယ်
ထဲကအသက်ကြီးလာတဲ့အထိကြွင်းကျန် ခဲ့တဲ့ထမင်းလုံးတွေစုပေါင်းလိုက်ရင်
အလဟဿဖြစ်ခဲ့ရတဲ့ထမင်းလုံးတွေမရေတွက်နိုင်တော့ဘူး။
ဒါဟာတကယ်တော့ငွေပဲဖြစ်ပါတယ်။ ထမင်းလုံးတွေစွန့်ပစ်ရင်
ငွေကိုပစ်ရာရောက်ပါတယ်။ချွေတာစုဆောင်း
သူဋ္ဌေးလောင်းတဲ့ချမ်းသာသူတစ်ယောက်ဖြစ်ချင်ရင်ချွေတာသုံးစွဲတတ်ရမယ်။
အလဟဿမဖြစ်စေရဘူး။နှိုင်းချိန်တတ်ရမယ်။ ထောင့်စိရမယ် ထမင်းစားတာကအစ
အကြွင်းကျန်မရှိအောင်သတိထားတတ်ရမယ်။အချို့ကိုယ့်ဝမ်းကို ခချင့်ချိန်တတ်ဘူး ပန်းကန်ထဲထမင်းတွေအများကြီးထည့်ပြီး မကုန်
၊သူ့အကြွင်းအခြားသူလည်းမစား
ဒီလိုနဲ့ သွန်ပစ်ရရော။ အချို့ကတော့ချက်တာကိုကမချင့်ချိန်တတ်တာ
။လူဘယ်လောက်ဆို ထမင်းဘယ်လောက်ချက်ရမယ် မသိဘူး လူအများကြီး ငါလည်းအများကြီးချက်လိုက်မယ်ဆို ချက်
ရော။လူတစ်ယောက်မှာများသောအားဖြင့်တစ်ဗူးအပြင် ပိုမကုတ်တတ်ကြဘူး တစ်ဗူးအောက်မှာပဲရှိတယ်။
ဒီတော့ဆန်တွေများစွာထည့်ချက် ထမင်းဖြစ်တော့ပိုပွားလာ လူငါးယောက် ချက်တစ်ပြည်ဆိုပိုပြီပေါ့။
နေ့စဉ်ကြုံနေရတဲ့ဒီအချက်ကို လူတိုင်း
သတိထားဖို့ကောင်းတယ်။ ဒီအချက်ကလည်း အိတ် ထဲကဘတ်ဂျက်
ကိုပါးသွားစေနိုင်လို့ပါ။
ဒုတိယအတွေးကတော့ ထမင်းတစ်လုံးရဲ့တန်ဖိုးသတ္တိပါ။
``စားပြီးသားပန်းကန်ထဲ ကြွင်းကျန်နေတဲ့
ထမင်းတစ်လုံးရဲ့တန်ဖိုးကိုသိပါ။ထမင်းတစ်လုံးဖြစ်ဖို့ဆိုတာ
ဘယ်လိုအခြေခံက စခဲ့ရတယ်ထင်သလဲ´´
ဟုတ်တယ်ထမင်းအများကြီးကိုသွားမကြည့်ပါနဲ့ စားပြီးသားပန်းကန်ထဲ ကြွန်းကျန်နေတဲ့ ထမင်းတစ်လုံးရဲ့အခြေခံတန်ဖိုးကိုပဲကြည့်ပါ။
ဒီထမင်းတစ်လုံးဖြစ်ဖို့အတွက် ပထမဆုံး တောတွေခုတ်ထွင်ရတယ်
။နောက်ငုတ်တွေတူးဖော်ရတယ်
လယ်ဖြစ်လာအောင်တစ်ဧက နှစ်ဧကအကွက်ကြီးတွေကိုရေ၀င်အောင်းနိုင်ဖို့
အနက်တစ်တောင်လောက်တူး
ကန်သင်းလုပ်ရတယ်။ဆယ်တမံရေ၀င်ဒေသဆိုရေသွင်းရတယ်။ ရေ၀င်ဒေသမဟုတ်ရင်
မိုးအရွာကိုစောင့်ရတယ်။ ရေ ရပြီဆိုမှထယ်ထိုး ထွန်
ထွန်လို့မြေကိုနူးညက်အောင်လုပ်ရတယ်။မြေဆီအဖြစ် နွားချေး ကြက်ချေးတွေ
အပြင်စက်မှုထုတ်မြေဆီကိုလည်းထည့်ရတယ်။ပြီးမှစပါးတွေပက်ဖြန်းပြီး
ပျိုးကျဲရတယ်။ ပျိုးပင်တွေပေါက်ရင်
တစ်
ထွာတစ်တောင်အရပ်အမြင့်ထိစောင့်ရတယ်။ပြီးရင်ပျိုးပင်တွေနှုတ်အစည်းတွေစည်း
အဲပျိုးစည်းတွေကို
စိုက်ရန်အသင့်ထွန်ပြီးသားဖြစ်တဲ့
လယ်တွေထဲချလူများစွာနဲ့အကွက်စေ့စေ့စိုက်ရတယ်။စိုက်ပြီးအခင်းတွေမြေ
ဆီလိုမြေဆီထည့် ပိုးကျရင်ပိုးဆေးဖြန်းပေးရတယ်။ရေမပြတ်အောင်
လည်းအမြဲဂရုစိုက်ရတယ်။ မိုးရွာမှရေရတဲ့
လယ်ဆို စိုက်ပြီးမိုးမရွာရေပြတ်သွားရင်
ပျက်စီးကုန်တယ်။ရွာလွန်းပြန်ရင်လည်း ရေမမြုတ်အောင်ဖောက်ထုတ်
ပေးရတယ် ။
ဒီလိုနဲ့မိုးတွင်းစိုက်ကတည်းကအရိပ်တကြည့်ကြည့်နဲ့ပြုစုပေးခဲ့ရတာစပါးနှံတွေဖြိုင်ဖြိုင်သီးလာတော့
စာတွေ ငှက်တွေလာစားလို့ခြောက်ရလှန့်ရအမြဲလုပ်နေရတယ်။
ဆောင်းတွင်းကာလ
စပါးနှံတွေရွှေရောင်လိုဝါ၀င်းရိတ်ချိန်နီးပြီဆိုမှ အောင်ရေလွှတ်ပေးရတယ်။လယ်
ထဲမှာရှိနေတဲ့ရေတွေဖောက်ပစ်
တာကိုအောင်ရေလွှတ်တယ်ပြောတာပါ။အချိန်တန်ရင်ရိတ်သိမ်းပြီးသန့်ရှင်း
ပြောင်ဝင်းတဲ့ကွင်းပြင်ပေါ်မှာပုံရတယ် ။ နောက်စပါးချွေစက် သို့မဟုတ်
လူနဲ့ကိုယ်တိုင်ရိုက်ချွေရတယ်။ချွေပြီးသားစပါးတွေကိုသဲ အမှိုက်ကောက်ရိုးမျှင်တွေမပါရအောင်လှေ့ပြာထုတ်ရတယ်။
ရရှိတဲ့စပါးတွေကို ဆန်စက်သွားပြီး
စပါးမှဆန်အဖြစ်သို့ကြိတ်ယူရတယ်။ဆန်အဖြစ်ရလာပြီဆိုမှဒံအိုး
ထဲထည့်ရေနှစ်ထပ်လောက်ဆေး ရေအတော်အသင့်ထည့် ထင်းမီးသို့မဟုတ်
လျှပ်စစ်မီးနဲ့ချက်ရတယ်။ချက်ပြီး
မှ ပန်းကန်ထဲထည့်စားကြရတာပေါ့။
ကဲထမင်းတစ်လုံးဖြစ်ဖို့ဘယ်လောက်ထခက်ခဲလိုက်သလဲ။
အဲလိုထမင်းဖြစ်လာဖို့အဆင့်ဆင့်လုပ်လာတဲ့နေရာမှာ စပါးတွေရိတ်တုန်းတုန်းကအလေ
အလွင့်ရှိခဲ့တယ်။ချွေတော့ကြိတ်
တော့ဆန်ဆေးတော့ ထမင်းရည်ငဲ့တော့ အလေအလွင့်ရှိခဲ့တယ်။ကဲမင်းမဖြစ်ခင်
အလေအလွင့်တော့ထားလိုက် ထမင်းဖြစ်လို့စားပြီးဆိုမှ
စားပြီးပန်းကန်ထဲကြွင်းကျန်သွားတဲ့ထမင်းလုံးလေး
ဘယ်လောက်နှမျှောဖို့ကောင်းလဲ
ပန်းကန်ထဲစားဖို့အဆင်သင့်ရောက်လာတာနဲတဲ့အဆင့်တွေကျော်ခဲ့ရတာ
မဟုတ်ဘူးအလေအလွင့်အခက်အခဲတွေ ကျော်ပြီးမှရောက်လာတာ တစ်လုံးထဲဆိုပေမယ့်
သွေးနဲ့ချွေးနဲ့အရင်းနှီးပေါင်းများစွာပေးဆပ်ခဲ့ရ
တာ ဒါ့ကြောင့်တန်ဖိုးသိပြီးတန်ဖိုးရှိရှိ စားသုံးကြဖို့ကောင်းပါတယ်။
ဟုတ်တယ် ထမင်းတစ်လုံးကအဲလောက်ိတန်ဖိုးရှိတယ်။
ဆန်တစ်ပြည်တစ်ထောင်လောက်ပေးရနေတာပဲ ထမင်းတစ်လုံးလောက်နဲ့ဘာတန်ဖိုးရှိမလဲ
တစ်ကျပ်တောင်မတန်ဘူလို့ပြောကောင်းပြောကြလိမ့်မယ်။မဟုတ်ဘူး အဲဒီတန်ဖိုးကိုပြောနေတာမဟုတ်ဘူး
။ထမင်းတစ်လုံးဖြစ်လာဖို့ဖြတ်ကျော်ရင်းနှီးပေးဆပ်ခဲ့ရတဲ့တန်းဖိုးကို
ပြောတာ။ငွေတန်ဖိုးထက် အဆပေါင်း များစွာကြီးမားတယ်။
ငွေရှိရင်ဘာမဆို ဖြစ်တယ်ပြောနေကြပေမယ့်
ကမ္ဘာကြီးထဲမှာရှိတဲ့လူမှန်သမျှ စပါးမစိုက်ဆန်မကြိတ်ထမင်းမချက်ရင်အဲငွေနဲ့ဘယ်သွားထမင်းဝယ်စားမလဲ။
ငွေကိုကိုင်ပြီးဂျုံဆန်ဖြစ်စေ လို့မန်းမှုတ်လို့ဖြစ်သွားတဲ့ကိစ္စမဟုတ်ဘူး။
ဒါ့ကြောင့်တန်ဖိုးသိသင့်တယ်။
ထမင်းတစ်လုံးရဲ့တန်ဖိုးကိုသိတတ်လာရင် အရာရာတိုင်းရဲ့
တန်ဖိုးကိုလည်းသိလာနိုင်တယ်။
ဒီတော့ လုပ်သမျှ သုံးသမျှစည်းကမ်းတကျနဲ့အလဟဿ
မဖြစ်တော့ဘူး။
အဲတော့မကုန်သင့်တာမကုန်အစုအပုံအဖြစ်စုထား ကြီးပွားရမယ့်သဘောတရားဖြစ်သွားတာပေါ့။
``ကဲစားပြီးသားပန်ကန်ထဲကြွင်းကျန်နေတဲ့
ထမင်းတစ်လုံးရဲ့တန်ဖိုးကိုသိပါ၊ ထမင်းတစ်လုံးဖြစ်
ဖို့ဆိုတာ
ဘယ်လိုအခြေခံရစခဲ့ရတယ်ထင်သလဲ´´ဆိုတာအထပ်ထပ်အခါခါစဉ်းစားတန်ဖိုးထားတတ်ပါစေ။
အသေးအမွှား တန်ဖိုးထားက
ကြီးမားအရာ တန်ဖိုးသာ၍
ထားကာနေတတ် လွန်မြင့်မြတ်သည်
ကျင့်တတ်မြန်စွာ တိုးတက်ပါ၏။
စာဖတ်သူကိုချစ်ခင်လေးစားလျှက်….
ပီတိ(ပေကြီး)
No comments:
Post a Comment